facebook
Tuesday , May 30 2017
Breaking News
Home / मुंबई / किनारा सुरक्षेसाठी दल

किनारा सुरक्षेसाठी दल

महाराष्ट्रात ४४ सागरी पोलिस ठाणे, चार हजार मरिन पोलिस

महाराष्ट्राच्या सागरी किनाऱ्याच्या सुरक्षेसाठी राज्य सरकार मरिन पोलिस दल स्थापन करणार असून, पुढील दोन महिन्यांत हे दल कार्यान्वित करण्याचा निर्णय राज्य सरकारने घेतला आहे. दरम्यान, देशाच्या सागरी सुरक्षेसाठी इंडियन कोस्टल सिक्युरिटी फोर्स स्थापन करण्यात यावा, अशी सूचना मुख्यमंत्री देवेंद्र फडणवीस यांनी केंद्रीय गृहमंत्री राजनाथ सिंह यांना केली.

२६-११च्या मुंबई हल्ल्याच्या पार्श्वभूमीवर महाराष्ट्र सरकारने सागरी सुरक्षेकडे लक्ष केंद्रीत केले आहे. महाराष्ट्रासह अनेक राज्यांसाठी आव्हान असलेल्या या संकटावर मात करण्यासाठी केंद्र सरकार सध्या विविध उपाययोजनांचा आढावा घेत आहे. देशाच्या सागरी किनारपट्टीच्या सुरक्षेसंदर्भात केंद्रीय गृहमंत्री सिंह यांनी मुंबईतील सह्याद्री अतिथीगृहावर बैठक बोलावली होती. या बैठकीत फडणवीस यांनी भारतीय किनारा सुरक्षेसाठी अधिक लक्ष पुरवण्याची गरज असल्याचे नमूद केले. दहशतवादी हल्ल्याचा धोका किनारपट्टीवरून अधिक असतो, याकडेही त्यांनी लक्ष वेधले.

महाराष्ट्रासाठी मरिन पोलिस दल स्थापन करण्याचा निर्णय महाराष्ट्र सरकारने घेतला आहे. त्यासाठी समुद्रात चांगले पोहता येणाऱ्यांची भरती करण्यात येईल, मरिन पोलिस दलात १५ वर्षांची सेवा झाल्यानंतर या दलातील पोलिसांना नियमित पोलिस दलात सामावून घेण्यात येणार आहे.

Check Also

१० कोटी मुलींचा विवाह १८ वर्षांआधीच

देशातील आरोग्याची स्थ‌तिी चिंताजनक असून, देशात दरवर्षी सुमारे १० कोटी ३० लाख मुलींचा विवाह त्यांच्या …

Leave a Reply

Your email address will not be published. Required fields are marked *