facebook
Sunday , February 26 2017
Breaking News
Home / पुणे / डेंगी, चिकुनगुनियासाठी सोमवारपासून तपासणी

डेंगी, चिकुनगुनियासाठी सोमवारपासून तपासणी

शहराच्या सर्व भागांत डेंगी आणि चिकुनगुनियाचा मोठ्या प्रमाणावर फैलाव झाला असल्याने डासांची उत्पत्ती रोखण्यासाठी येत्या सोमवारपासून (२६ सप्टेंबर) घरोघरी तपासणी मोहीम केली जाणार असल्याचे पुणे महापालिकेच्या आरोग्य विभागाने शुक्रवारी जाहीर केले. या तपासणी मोहिमेसाठी आरोग्य विभागाकडे उपलब्ध असलेले मनुष्यबळ अपुरे असल्याने, इतर विभागांकडून उपलब्ध झालेल्या मनुष्यबळाचा वापर त्यासाठी केला जाणार आहे.

शहरात डेंगी आणि चिकुनगुनियाच्या पेशंटमध्ये मोठ्या प्रमाणावर वाढ होत आहे. प्रत्येक घरटी एक तरी व्यक्ती यापैकी एका रोगाने आजारी असल्याकडे लक्ष वेधत नगरसेविका उषा कळमकर यांनी शुक्रवारी महापालिकेतर्फे कोणत्या उपाययोजना सुरू आहेत, अशी विचारणा केली. त्यांच्यासह इतर सर्वच पक्षाच्या नगरसेवकांनी डेंगी आणि चिकुनगुनिया नियंत्रणात आणण्यासाठी पालिकेतर्फे कोणती पावले उचलली जात आहेत, याचा खुलासा केला जावा, अशी मागणी केली. तसेच, नागरिकांच्या तक्रारींची दखल घेतली जात नसून, डेंगी-चिकुनगुनियाच्या टेस्टसाठी त्यांच्याकडून जादा रकमेची मागणी केली जात असल्याचे निरीक्षणही सदस्यांनी नोंदविले.
महापालिकेचे प्रभारी आरोग्यप्रमुख डॉ. एस. टी. परदेशी यांनी या दोन्ही रोगांवर नियंत्रण मिळविण्यासाठी डासांची उत्पत्ती थांबवणे, हा एकमेव उपाय असल्याचे सांगितले. अनेक सुशिक्षित घरांमध्येही त्यासाठीची दक्षता घेतली जात नसल्याने रोगांचा प्रसार होत असल्याची खंत त्यांनी व्यक्त केली. महापौरांनी गुरुवारी घेतलेल्या बैठकीत दिलेल्या सूचनांनुसार घरोघरी तपासणी मोहीम घेण्यात येणार असल्याचे त्यांनी जाहीर केले. त्यासाठी, इतर विभागांतून जादा मनुष्यबळ महापालिका आयुक्तांनी उपलब्ध करून दिले असून, सोमवारपासून ही मोहीम हाती घेण्यात येणार आहे, असे त्यांनी स्पष्ट केले.

डेंगी कमी; चिकुनगुनिया वाढला

गेल्यावर्षीच्या तुलनेत डेंगीच्या पेशंटची संख्या कमी झाली असल्याचे निदर्शनास आल्याचे निरीक्षण डॉ. एस. टी. परदेशी यांनी मांडले. या वर्षी डेंगीचे १ हजार ५९६ पेशंट आढळून आले आहेत. तर, चिकुनगुनियाच्या पेशंटमध्ये मात्र मोठी वाढ झाली आहे. दरवर्षी सरासरी ५० ते ६० पेशंट आढळून येत असताना, यंदा आत्ताच चिकुनगुनियाच्या पेशंटची संख्या चारशेपर्यंत पोहोचली आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *