facebook
Saturday , February 25 2017
Breaking News
Home / Featured / नसलेल्या कंपनीला पावणे पाच कोटी

नसलेल्या कंपनीला पावणे पाच कोटी

परदेशातून कापड आयात करायचे असल्याचे सांगत हाँगकाँग येथील कंपनीच्या नावाने बनावट बिल तयार करून त्यावर पुण्यातून तब्बल पावणे पाच कोटी रुपये पाठविल्याचा धक्कादायक प्रकार उघडकीस आला आहे. पुण्यातील एका बँकेत बनावट कागदपत्रे सादर करून त्यांच्या मदतीने हे पैसे पाठविल्याचे समोर आले आहे. या प्रकरणी लष्कर पोलिस ठाण्यात दोन व्यक्तींविरोधात गुन्हा दाखल करण्यात आला आहे.

याबाबत अनिलकुमार कानोजिया (वय ४१, रा. बालेवाडी) यांनी तक्रार दिली आहे. त्यावरून लक्ष्मण भोपालसिंग आणि रामेश्वर लाल (रा. दोघेही राजस्थान) यांच्या विरोधात फसवणुकीचा गुन्हा दाखल करण्यात आला आहे. पोलिसांनी दिलेल्या माहितीनुसार, कॅम्प परिसरात इंडसइंड बँकेची शाखा असून कानोजिया या बँकेच्या शाखा प्रबंधक आहेत. जानेवारी महिन्यात आरोपींनी या बँकेत सर्वग्य ट्रेडिंग कंपनीच्या नावाने चालू खाते उघडले. हाँगकाँग येथून कपडे आयात करायचे असून त्यासाठी आगाऊ रक्कम पाठविण्याची गरज आहे. असे म्हणून आरोपींनी एबलवेल गारमेंट या कंपनीची बनावट बिले दाखवून या कंपनीच्या खात्यावर तब्बला सात लाख ३३ हजार अमेरिकी डॉलर बँकेच्या खात्यातून पाठविले. बँकेकडून देखील ही रक्कम हाँगकाँग येथील कंपनीला देण्यात आली. त्यानंतर बँकेने व्यवहाराची कागदपत्रे नागपूरच्या कस्टम विभागाकडे पाठविली. त्यावेळी बँकेतून पाठविलेली अशी कंपनी नसून त्या कंपनीच्या नावाने बनावट ‌बिल तयार करून पैसे पाठविल्याचे समोर आले आहे. या प्रकरणी सहायक निरीक्षक विठ्ठल साळुंके अधिक तपास करत आहेत.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *