facebook
Saturday , December 3 2016
Home / देश / विदेश / काश्मीर मुद्द्यावर पाक एकाकी
02

काश्मीर मुद्द्यावर पाक एकाकी

‘संयुक्त राष्ट्रांमध्ये काश्मीर मुद्दा उपस्थित करून अांतरराष्ट्रीय समुदायाचे लक्ष वेधून घेण्याचे शरीफ यांचे प्रयत्न फोल ठरले आहेत,’ असे संयुक्त राष्ट्रसंघातील भारताचे कायम प्रतिनिधी सय्यद अकबरुद्दीन यांनी शनिवारी म्हटले आहे.

अकबरुद्दीन म्हणाले, ‘संयुक्त राष्ट्रांच्या व्यासपीठावर काश्मीर मुद्द्याचे आंतरराष्ट्रीयीकरण करण्याचा पाकिस्तानचा कित्येक महिन्यांपासून सुरू असलेला प्रयत्न फोल ठरला आहे. पाकिस्तानचे पंतप्रधान नवाज शरीफ यांनी आपल्या भाषणात काश्मीर मुद्दा उपस्थित केला असला, तरी ‘यूएन’च्या सदस्य राष्ट्रांनी त्या मुद्द्याकडे लक्ष दिले नाही. सध्या ‘यूएन’पुढे दहशतवाद हा महत्त्वाचा मुद्दा असून, तो रोखण्यासाठी ‘यूएन’चा प्रयत्न आहे. त्यामुळेच भाषणात काश्मीर मुद्दा उपस्थित करून लक्ष वेधून घेण्याचे शरीफ यांचे प्रयत्न फोल ठरले आहेत.’
ते म्हणाले, ‘संयुक्त राष्ट्राच्या आमसभेत बोलताना १३१ देशांनी आपले मुद्दे मांडले. त्यापैकी काश्मीरचा मुद्दा केवळ पाकिस्ताननेउपस्थित केला, उर्वरीत १३० देशांनी नाही. याचा अर्थ सरळ आहे. या देशांना हा मुद्दा तितका महत्त्वाचा वाटला नाही. तर, ९० टक्के देशांनी दहशतवाद ही प्राथमिक चिंता असल्याचे म्हटले आहे. ही दहशतवादाची मूळे समूळ उपटून काढण्यासाठी भारताला अनेक देशांकडून पाठिंबा मिळत आहे. या सर्व देशांचा भारत आभारी आहे.’

‘परराष्ट्र राज्यमंत्री एम. जे. अकबर यांनी संयुक्त राष्ट्राच्या आमसभेसोबतच इतर देशांशी द्विपक्षीय, बहुपक्षीय चर्चा केली, तेव्हा अनेक देशांनी भारत दहशतवादाचा शिकार होत असल्याचे सांगून भारताप्रती एकजुट दाखवली आहे. ‘सार्क’ देशांच्या परराष्ट्रमंत्र्यांपुढेही यापुढे भारत दहशतवादाला कशा पद्धतीने प्रत्युत्तर देईल, हा मुद्दा उपस्थित करण्यात आला. तेव्हा या देशांनीही पाठिंबा देत आभार व्यक्त केला आहे; तसेच उरी लष्करी तळावर झालेल्या हल्ल्याप्रती सहानुभूतीही व्यक्त केली आहे,’ याकडेही अकबरुद्दिन यांनी लक्ष वेधले.

Check Also

sumitra-mahajan-loksabha-580x393

फक्त टीव्हीवर झळकण्यासाठी खासदारांचा गोंधळ -लोकसभाध्यक्षा सुमित्रा महाजन

आवाज न्यूज लाईन नवी दिल्ली : एकीकडे देशभरात बँक ग्राहकांच्या संयमी रांगा असताना संसदेत मात्र …

Leave a Reply

Your email address will not be published. Required fields are marked *