facebook
Saturday , February 25 2017
Breaking News
Home / अहमदनगर / पाणीयोजनांचे पाच कोटी अदा

पाणीयोजनांचे पाच कोटी अदा

जिल्ह्यातील पाणी योजनांचा वीज बिलांचा खर्च भागविण्यासाठी राज्य सरकारकडून मिळणारे प्रोत्साहन अनुदान मिळणे बंद झाल्यामुळे झेडपीच्या तिजोरीवरील ताण वाढला आहे. राज्य सरकारने अनुदान न दिल्यामुळे जिल्हा परिषदेने मागील दोन आर्थिक वर्षांत स्वउत्पन्नातून पाणी योजनांसाठी तब्बल ४ कोटी ७८ लाखांचे अनुदान दिले आहे. सरकारकडून अनुदान मिळत नाही, त्यातच पाणी वाटप समित्यांकडून पाणीपट्टीची वसुली होत नसल्याने जिल्हा परिषदेसमोरील अडचणी वाढल्या आहेत.

जिल्ह्यातील गावांत पाणीपुरवठा करण्यासाठी पाणी योजना सुरू करण्यात आल्या आहेत. योजना गावातील पाणी वाटप समित्या चालवत आहेत. या समित्यांकडून नागरिकांकडून पाणीपट्टी वसूल करून योजनांची देखभाल करणे अपेक्षित आहे. पाणीपट्टी वसूल करण्यात दिरंगाई होत असल्याने पाणीयोजना चालवणे अवघड झाले आहे. त्यातच योजनांच्या वीज बिलांसाठी सरकारकडून मिळणारे प्रोत्साहन अनुदान दोन वर्षांपासून मिळाले नसल्याने योजनांचा भार पुन्हा जिल्हा परिषदेवरच पडला आहे. लाखो रुपयांचे वीज बिल देण्यासाठी जिल्हा परिषदेस स्वउत्पन्नातून अनुदान देणे भाग पडत आहे. मागील २०१४-१५ आणि २०१५-१६ या दोन आर्थिक वर्षात १३८ पाणीयोजनांसाठी जिल्हा परिषदेने पाच कोटींचे अनुदान दिले आहे. या अनुदानातून बिलांवरील खर्च भागवला जात असून पाणीयोजना कार्यरत आहेत.

चौकट ः

वॉटर मीटरचा निर्णयही रखडला

जिल्ह्यातील पाणीयोजनांना वॉटर मीटर बसविण्याचा निर्णयही दोन वर्षांपासून रखडला आहे. ई-टेंडरिंगमधील अडचणी, योजना राबविण्याची मानसिकता नाही, गावांकडून मिळणारा कमी प्रतिसाद यामुळे ही योजना फारशी यशस्वी झालेली नाही. मागील वर्षात किमान दीडशे पाणीयोजनांना वॉटर मीटर बसविण्याचे नियोजन करण्यात आल्याचे तत्कालीन सीईओ शैलेश नवाल यांनी सांगितले होते. प्रत्यक्षात मात्र अवघ्या ३७ प्रादेशिक पाणी पुरवठा योजनांना मीटर बसविण्यात पाणी पुरवठा विभागास यश आले आहे.

चौकट ः

मागील पाच वर्षांत दिलेले अनुदान (पहिल्या तीन वर्षांत सरकारकडून अनुदान मिळाले)

२०११-१२ : १ कोटी ६१ लाख ६९ हजार, ९६ पाणी योजना

२०१२-१३ : २ कोटी २४ लाख ६७ हजार, ९० पाणी योजना

२०१३-१४ : २ कोटी ५८ लाख २० हजार, १७ पाणी योजना

२०१४-१५ : ३४ लाख ९४ हजार, २ पाणी योजना

२०१५-१६ : ४ कोटी ४३ लाख ९१ हजार, १३६ पाणी योजना

Check Also

मूलतत्त्ववादाचा देशाला धोका

‘जगभर धर्मवादाने व मूलतत्त्ववादाने गोंधळ घातला असताना देशात आज हिंदू धर्माचे राष्ट्र निर्माण झाले तर …

Leave a Reply

Your email address will not be published. Required fields are marked *