facebook
Wednesday , April 26 2017
Breaking News
Home / मुंबई / शिवसेनाप्रमुख स्मारक: उद्धव, देसाई, प्रभू ट्रस्टी

शिवसेनाप्रमुख स्मारक: उद्धव, देसाई, प्रभू ट्रस्टी

‘शिवसेनाप्रमुख बाळासाहेब ठाकरे स्मारक पब्लिक ट्रस्ट’मध्ये अखेर शिवसेना पक्षप्रमुख उद्धव ठाकरे यांच्यासह सुभाष देसाई आणि आर्किटेक्ट शशी प्रभू यांची नावे निश्तित झाल्याने आता ट्रस्टवर जाण्यातील पंक्षांतर्गत चुरस संपुष्टात आली आहे. खुद्द उद्धव ठाकरे यांनीच ट्रस्टींच्या नावावर शिक्कामोर्तब केले आहे.

ट्रस्टींच्या नावांची अंतिम यादी मुख्यमंत्र्यांकडे सुपूर्द करण्यात आली असल्याची माहितीही सूत्रांनी दिली.

शिवसेनाप्रमुख बाळासाहेब ठाकरे पब्लिक ट्रस्टच्या ट्रस्टींमध्ये दिवाकर रावते, संजय राऊत, लीलाधर डाके आणि सुभाष देसाई यांचा समावेश होईल अशी चर्चा होती. मात्र ट्रस्टी होण्याची चुरस आता संपुष्टात आली असून या नावांपैकी केवळ सुभाष देसाई यांच्याच नावावर शिक्कामोर्तब झाला आहे.

मुंबईतील महापौर बंगल्याच्या आवारात दिवंगत बाळासाहेब ठाकरे यांचे बहुचर्चित स्मारक उभारले जाणार आहे. शिवसेनाप्रमुख बाळासाहेब ठाकरे यांच्या व्यक्तिमत्त्वाला साजेसं स्मारक उभारण्यासाठी स्थापन करण्यात आलेल्या समितीचा अहवालही सरकारने मंजूर केला आहे. त्यामुळे आता पब्लिक ट्रस्ट स्थापन करण्याचा मार्ग मोकळा झाला असून येत्या काही दिवसांत हा ट्रस्ट स्थापन करण्यात येणार आहे.

या ट्रस्टमध्ये उद्धव ठाकरे आणि आदित्य ठाकरे यांचं सदस्यत्व कायमस्वरूपी राहणार आहे. ट्रस्टींमध्ये ७ ते ११ जणांचा समावेश करण्यात येणार आहे. मुंबई महापालिका आणि राज्यातील संबंधित प्रशासकीय अधिकारीही या ट्रस्टींमध्ये असणार आहेत.

येत्या दसरा मेळाव्यापूर्वी ‘शिवसेनाप्रमुख बाळासाहेब ठाकरे पब्लिक ट्रस्ट’ची घोषणा केली जाण्याची शक्यता व्यक्त केली जात आहे.

Check Also

१० कोटी मुलींचा विवाह १८ वर्षांआधीच

देशातील आरोग्याची स्थ‌तिी चिंताजनक असून, देशात दरवर्षी सुमारे १० कोटी ३० लाख मुलींचा विवाह त्यांच्या …

Leave a Reply

Your email address will not be published. Required fields are marked *