facebook
Saturday , February 25 2017
Breaking News
Home / Featured / ​ मुंबई आयआयटीच्या ‘प्रथम’चे आज प्रक्षेपण

​ मुंबई आयआयटीच्या ‘प्रथम’चे आज प्रक्षेपण

आयआयटी, मुंबईच्या विद्यार्थ्यांनी तयार केलेला प्रथम हा उपग्रह आज, सोमवारी अंतराळात झेपावणार आहे. भारतीय अंतराळ संशोधन संस्था (इस्रो)च्या माध्यमातून हे उड्डाण घेतली जाणार असून इस्रोच्या विद्यार्थ्यांसाठीच्या उपग्रह मालिकेतील हा सातवा उपग्रह ठरणार आहे.

प्रथम या उपग्रहाचे हे प्रक्षेपण श्रीहरीकोटामधील सतीश धवन अंतराळ केंद्रामधून होणार असून आयआयटी मुंबईच्या पवई येथील कॅम्पसमध्ये याचे थेट प्रक्षेपण होणार आहे. या उपग्रहाच्या निर्मितीसाठी दीड कोटी रुपये खर्च आला आहे. १५ विद्यापीठांमधील माहिती संकलन केंद्रांमध्ये उपग्रहाकडून घेतलेल्या माहितीची नोंद होणार आहे. या उपग्रहाचे वजन १० किलो असून इस्रोचे स्कॅटसॅट उपग्रहाला मदत करणार आहे. या उपग्रहाच्या माध्यमातून रेडिओलहरी परावर्तित करणाऱ्या वातावरणातील लहरींचे स्तर थर मोजण्यास मदत होईल.

आयआयटीच्या सप्तर्षी बंडोपाध्याय आणि शशांक तामसकर या दोन विद्यार्थ्यांनी ‘प्रथम’ विकसित केला आहे. हा उपग्रह पूर्ण करण्यासाठी ३० विद्यार्थ्यांनी सहकार्य केले आहे. यात मुंबईतील अथर्व महाविद्यालयाचाही समावेश आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *