facebook
Sunday , April 23 2017
Breaking News
Home / Featured / ​ अलेप्पोमध्ये हवाई हल्ले सुरूच

​ अलेप्पोमध्ये हवाई हल्ले सुरूच

सीरियातील युद्धभूमी बनलेल्या अलेप्पो शहरावर लष्कराचे हवाई हल्ले सुरूच असून या हल्ल्यांत आतापर्यंत ४५ नागरिकांना प्राण गमवावे लागले आहेत. दरम्यान संयुक्त राष्ट्रांचे सरचिटणीस बान की मून यांनी या हल्ल्यांबाबत चिंता व्यक्त केली आहे.

सीरियातील बंडखोरांकडून अलेप्पो शहर परत मिळवण्यासाठी लष्कराने सुरू केलेल्या कारवाईच्या पार्श्वभूमीवर संयुक्त राष्ट्रांच्या सुरक्षा परिषदेची बैठक आयोजित करण्यात आली आहे. अलेप्पोवर सुरू असलेल्या हवाई हल्ल्यांमध्ये शहरांतील जलउपसा केंद्राचे नुकसान झाल्यामुळे सुमारे वीस लाख नागरिक पाण्यापासून वंचित आहेत. या हल्ल्याचा निषेध करण्यासाठी बंडखोरांनी शहरातील दुसरे जलउपसा केंद्रही बंद केले आहे. रशियन हवाई दलाच्या पाठिंब्यावर सीरियन लष्कराने या भागात बॉम्बहल्ले सुरू केले आहेत. या कारवाईमध्ये वापरण्यात येणाऱ्या शस्त्रांस्त्रांमुळे सामान्य नागरिकांचे प्राण जात आहेत. अशाप्रकारची कारवाई ही युद्ध गुन्हे म्हणून गणली जाईल, असा इशारा मून यांनी दिला आहे. नागरिकांवरील हल्ले हा आंतरराष्ट्रीय मानवतावादी कायद्याचा भंग असून शांततेसाठी सुरू असलेले प्रयत्न वाढवावे लागतील, असेही मून म्हणाले.

कोणताही तोडगा नाही

सीरियामध्ये आठवड्याभरापासून सुरू असलेली युद्धबंदी शनिवारी संपुष्टात आली व अद्याप दोन्ही पक्षांमध्ये कोणताही तोडगा न निघाल्याने नव्याने हल्ले सुरू झाले आहेत. अमेरिकेचे परराष्ट्र मंत्री जॉन केरी यांची रशियाचे परराष्ट्र मंत्री सर्जेई लॅवरोव यांच्यासोबतची चर्चा निष्फळ ठरली. त्यानंतर, अलेप्पो येथे जे घडत आहे, त्याला पाठिंबा देण्यात येणार नाही, अशी प्रतिक्रिया केरी यांनी दिली आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *