facebook
Tuesday , April 25 2017
Breaking News
Home / Featured / दुष्काळग्रस्त मराठवाड्याची पाणीचिंता मिटली

दुष्काळग्रस्त मराठवाड्याची पाणीचिंता मिटली

आवाज न्यूज लाईन

औरंगाबाद  : मराठवाड्यात तीन-चार दिवसांपासून पावसाने धुवांधार हजेरी लावली असून यामुळे सरासरी पावसाची टक्केवारी ओलांडली आहे. पाणीटंचाईमुळे सर्वाधिक दुष्काळाची दाहकता सोसणाऱ्या बीड, लातूर, उस्मानाबाद जिल्ह्यांतील परिस्थिती बदलली असून मराठवाड्यातील तलाव, बंधारे, मध्यम व लघु प्रकल्प भरले आहेत. परभणीतील लोअर दुधनाचे १८ तर, माजलगाव धरणाचे ११ दरवाजे उघडण्यात आले.

मराठवाड्यात औरंगाबाद वगळता सातही जिल्ह्यांत दमदार पावसाने हजेरी लावली. बीड, लातूर जिल्ह्यांमध्ये सरासरीच्या ११३ टक्के तर, नांदेड, उस्मानाबाद, परभणी, हिंगोली, जालना जिल्ह्यात सरासरीच्या ९५ ते ९८ टक्के पाऊस झाला आहे. लातूरसह १२ गावांना पाणी पुरवणाऱ्या मांजरा-धनेगाव धरणात ३० टक्के जलसंचय झाला आहे. साठलेले हे पाणी दोन वर्षे पुरू शकते, असा अंदाज व्यक्त होत आहे. शिवाय पाऊस सुरुच असल्याने ५० टक्के जलसाठा होईल अशी चिन्हे आहेत. मांजरा भरल्याने नागरिकांना मोठा दिलासा मिळाला आहे.

बीडला पाणीपुरवठा करणारा बिंदुसरा प्रकल्प तुडुंब भरला असून माजलगाव तालुक्यातील उमरी आणि पारगावचा संपर्क तुटला आहे. जोडजवळ्याजवळ रस्त्यावर पाणी आल्याने लातूर-कळंब मार्ग बंद झाला आहे.

गोदावरीला पूर
नांदेड जिल्ह्यात झालेल्या जोरदार पावसामुळे गोदावरी नदी भरून वाहत आहे. मुदगल, रामपुरी व दिग्रस येथील बंधाऱ्यातूनही पाणी सोडण्यात आले आहे. विष्णूपुरी प्रकल्पाचे सहा दरवाजे उघडण्यात आले असून २ हजार ५९८ क्यूसेक्स घनमीटर प्रति सेंकद पाण्याचा विसर्ग होत आहे.

उमरग्यात विक्रमी पाऊस
उमरगा तालुक्यात गेल्या नऊ वर्षांपूर्वी तालुक्यात वार्षिक सरासरीच्या ९०० मिलिमीटरपर्यंत पाऊस झाला होता. गेल्या नऊ वर्षांचे रेकॉर्ड मोडत यंदा पावसाची तब्बल १०२३ मिलिमीटरची नोंद झाली आहे. दरम्यान, उस्मानाबाद जिल्ह्यातील कळंब, भूम, वाशी तालुक्यात पावसाने हजेरी लावली.
मांजरा १०० टक्के भरले
लातूर, बीड आणि उस्मानाबाद जिल्ह्यासाठी वरदान असणारे केज तालुक्यातील धनेगावच्या मांजरा धरण सोमवारी पहाटे १०० टक्के भरले.मांजरा धरणाची धमता २२४ घनमीटर इतकी आहे. तीन दिवसांपासून धरणाच्या पाण्याची पातळी दरताशी १५ सेंटीमीटरने वाढत हाेती, अशी माहिती मांजरा धरणाचे शाखाव्यवस्थापक अनिल मुळे यांनी दिली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *