facebook
Sunday , December 4 2016
Home / Featured / कोपर्डी कौर्य : चारशे पानी चार्जशीट तयार
rape

कोपर्डी कौर्य : चारशे पानी चार्जशीट तयार

आवाज न्यूज लाईन

राज्यभर गाजलेल्या कोपर्डीतील अल्पवयीन मुलीवरील अत्याचार व हत्याप्रकरणातील तिन्ही आरोपींविरुद्ध सुमारे चारशे दोषारोपपत्र तयार झाले असून, येत्या शनिवारपर्यंत हे आरोपपत्र येथील न्यायालयात दाखल होईल, अशी माहिती पोलिस सूत्रांनी दिली. ही क्रूर घटना घडल्यानंतर एका महिन्यांत दोषारोपत्र दाखल करण्याची घोषणा झाली होती. परंतु या गुन्ह्यात त्रुटी राहू नयेत म्हणून पोलिस अधिकाऱ्यांनी काळजीपूर्वक हे दोषारोपपत्र (चार्जशिट) तयार केले आहे.

१३ जुलैला रात्री कोपर्डी येथे अल्पवयीन शाळकरी मुलीवर अत्याचार करून तिची निर्घृणपणे हत्या झाली होती. या गुन्ह्यातील मुख्य आरोपी जितेंद्र शिंदे, नितीन भैलूमे, संतोष भवाळ (रा. तिघे रा. कोपर्डी) या तिघांना पोलिसांना अटक केली होती. क्रूरपणे झालेल्या हत्येमुळे संपूर्ण राज्यात कोपर्डी प्रकरण गाजत होते. कोपर्डीत झालेल्या गर्दीमुळे सुरुवातीला तपासात अडथळा निर्माण झाला होता. त्यानंतर पोलिस अधिकाऱ्यांनी दिवस-रात्र कष्ट घेऊन हे दोषारोपपत्र तयार केले असून, ते सुमारे चाराशे पानांचे आहे. तिन्ही आरोपींविरुध्द बलात्कार, खून करणे, बालकांच्या लैंगिक अत्याचार प्रतिबंधक कायद्यातील कलमे लावण्यात आली आहेत. या आरोपींचे मेडिकल रिपोर्ट, फॉरेन्सिक अहवाल जोडण्यात आले आहेत. मुलीचे आई, वडिल, भाऊ, आजोबा यांचे जबाब, इतर पंच अशा सर्वांचे जबाब जोडण्यात आले आहेत. त्यानुसार येत्या शनिवारपर्यंत येथील विशेष न्यायालयात हे दोषारोपपत्र दाखल करण्यात येणार आहे. त्यानंतर या गुन्ह्याची सुनावणी येथील न्यायालयात सुरू होईल. विशेष सरकारी वकील उज्ज्वल निकम या गुन्ह्यात सरकारी पक्षाची बाजू मांडणार आहेत. तशी घोषणा सरकारने केली आहे.

कोपर्डी प्रकरणांतील आरोपीविरुद्ध तीस दिवसांत दोषारोपपत्र दाखल करण्यात येईल, अशी घोषणा झाली होती. परंतु तपासी अधिकाऱ्यांनी या आरोपींची मुंबईतील सीबीआयच्या लॅबमध्ये मानसशास्त्रीय चाचणी घेतली होती. तर फॉरेन्सिक रिपोर्ट यासाठी वेळ गेला होता. हे सर्व अहवाल आल्यानंतर चार्जशीट तयार करण्यासाठी वेळ गेला होता. संवेदनशील गुन्हा असल्याने काही त्रुटी राहू नयेत म्हणून नियमप्रमाणे चार्जशीट दाखल करण्यासाठी असलेला कालावधी पोलिसांनी घेतला आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *