facebook
Thursday , December 8 2016
Home / Featured / ‘मराठा आरक्षणावर तातडीने निर्णय घ्या’-शरद पवार
sharadpawar

‘मराठा आरक्षणावर तातडीने निर्णय घ्या’-शरद पवार

आवाज न्यूज लाईन

मराठा आरक्षणाच्या मागणीसाठी राज्यभर मराठा समाजाचे विराट मूक मोर्चे निघत असताना राष्ट्रवादी काँग्रेसचे राष्ट्रीय अध्यक्ष शरद पवार यांनी केंद्र आणि राज्य सरकारने मराठा आरक्षणाबाबत तातडीने निर्णय घ्यावा, अशी मागणी आज उरण येथे पत्रकारांशी बोलताना केली.

मराठा आरक्षणाबाबत निर्णय घेताना इतर कोणत्याही समाजघटकाला धक्का लावू नये, असेही पवार यांनी यावेळी नमूद केले. मराठा समाज एखाद्या समाजाच्या विरोधात हे मोर्चे काढत असल्याची शक्यता पवार यांनी फेटाळून लावली. मराठा समाजाचे मोर्चे उत्स्फुर्त आहेत. स्वत:हून तरुणाई मोठ्या प्रमाणात रस्त्यावर उतरत आहे. हे मोर्चे कोणत्याही समाजाविरोधात असल्याचे मला वाटत नाही, असे पवार म्हणाले.

मोदी बदलले
उरी हल्ल्यानंतर भारत-पाकिस्तानमध्ये तणाव वाढला आहे. याबाबत विचारले असता पठाणकोट आणि उरी हल्ल्यानंतर काय करायला हवं, याबाबतचा निर्णय लष्करप्रमुखांच्या सल्ल्याअंतीच घ्यावा, असे मत पवार यांनी मांडले. पवार यांनी यावेळी पंतप्रधान नरेंद्र मोदी यांच्यावरही निशाणा साधला. गुजरातचे मुख्यमंत्री असताना मोदी पाकिस्तानला लव्ह लेटर पाठवणं बंद करा, या शब्दांत केंद्रावर डागण्या डागायचे मात्र तेच मोदी आता बदललेले दिसताहेत, अशी टीका पवार यांनी केली.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *