facebook
Saturday , February 25 2017
Breaking News
Home / Featured / ‘ती’ शाळा बंद करण्याचे आदेश

‘ती’ शाळा बंद करण्याचे आदेश

आवाज न्यूज लाईन

मुंबई : चारकोप येथील बेकायदा झोपड्यांमध्ये सुरू असलेली श्रीमती सरोजादेवी आदर्श विद्यालय शाळा बंद करा आणि त्याल सुमारे ५० विद्यार्थी-विद्यार्थिनींना जवळच्या चार-पाच शाळांमध्ये स्थलांतरित करा, असे आदेश मुंबई उच्च न्यायालयाने मंगळवारी राज्य सरकारला दिले.

बाबरेकरनगर, मालवणी व्हिलेज, चारकोप, कांदिवली पश्चिम येथे सर्व्हे क्रमांक २६३वर बेकायदा बांधण्यात आलेल्या झोपड्यांमध्ये ही शाळा सुरू होती. अन्य झोपड्यांप्रमाणे या झोपड्याही तोडण्याचे आदेश उपजिल्हाधिकारी (अतिक्रमण विभाग) कार्यालयाने जूनमध्ये काढले होते. त्याविरुद्ध शाळा व्यवस्थापनाने केलेले अपीलही अतिरिक्त जिल्हाधिकाऱ्यांनी १७ सप्टेंबरला फेटाळले होते. त्यानंतर झोपड्या रिकामी करण्याच्या नोटीस बजावल्याने व्यवस्थापनाने उच्च न्यायालयात धाव घेतली होती. त्यांच्या याचिकेवर न्या. एस. सी. धर्माधिकारी व न्या. बी. पी. कुलाबावाला यांच्या खंडपीठापुढे सुनावणी झाली असता, राज्य चार-पाच झोपड्यांमध्ये शाळा चालवली जात आहे, त्या सर्व बेकायदा असल्याचे अतिरिक्त सरकारी वकील मिलिंद मोरे यांनी दाखवून दिले.

तसेच यापूर्वी याच विभागातील अशाच प्रकारच्या अन्य एका शाळेने उच्च न्यायालयात धाव घेतली असता खंडपीठाने त्यांची याचिका फेटाळली होती, असेही त्यांनी निदर्शनास आणले. अखेर दोन्ही बाजू ऐकल्यानंतर खंडपीठाने ही शाळा १५ दिवसानंतर

बंद करून तोडकामाची कारवाई करण्याचे आदेश दिले. तसेच १५ दिवसांत सर्व ५०० मुलांना उपसंचालकांनी जवळच्या बी. आर. आंबेकर स्कूल, गांधी विद्यामंदिर, कॅस्टेलिनो हिंदी स्कूल व राजदेवी स्कूल या शाळांत स्थलांतरित करावे आणि मुलांचा सर्व दस्तावेजही संबंधित शाळांमध्ये स्थलांतरित करावा, असे खंडपीठाने आदेशात स्पष्ट केले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *