facebook
Thursday , December 8 2016
Home / Featured / शिवसेनेत राजीनामास्त्र?
35

शिवसेनेत राजीनामास्त्र?

आवाज न्यूज लाईन

सामनातील व्यंगचित्रावरून बुलडाण्यातील खासदार, आमदारांचा पदत्याग?
नागपूर: मराठा मूकमोर्चासंदर्भात शिवसेनेचे मुखपत्र असलेल्या ‘सामना’मध्ये प्रसिद्ध झालेल्या व्यंगचित्रामुळे मराठा समाजात तीव्र असंतोष निर्माण झाला असतानाच, या व्यंगचित्राने खुद्द शिवसेनेतही अस्वस्थता पसरली आहे. बुलडाण्यातील सेना खासदार प्रतापराव जाधव यांच्यासह डॉ. संजय रायमुलकर व डॉ. शशिकांत खेडेकर या आमदारांनी पदांचे राजीनामे देण्याची भूमिका घेत मंगळवारी तातडीने ‘मातोश्री’ गाठल्याची चर्चा होती. मात्र, शि‍वसेनेच्या धुरीणांकडून राजीनाम्यांचे खंडन करण्यात आले आहे.

मराठा समाजाचे संपूर्ण राज्यात मूकमोर्चे निघत आहेत. या मोर्चांच्या माध्यमातून कोपर्डी अत्याचाराचा निषेध केला जात आहे. अत्यंत शांततेत व संयमाने निघणारे हे लाखोंचे मोर्चे म्हणजे मराठा समाजाच्या भावना आहेत. ‘सामना’ने मात्र या मूकमोर्चांबाबत आक्षेपार्ह व्यंगचित्र प्रकाशित करणे म्हणजे आम्हाला डिवचण्याचा प्रकार आहे, असा आरोप मराठा समाजबांधवांनी केला आहे.
बुलडाण्यातही सोमवारी मराठा समाज बांधवांचा मूकमोर्चा निघाला होता. या मोर्चाची चर्चा सुरू असतानाच ‘सामना’तील व्यंगचित्रावरूनही तीव्र प्रतिक्रिया उमटल्या. बुलडाणा हा माँ जिजाऊंचा जिल्हा असल्याने संताप अधिक होता. या समाजभावनांचा आदर राखत मराठा समाजातील या नेत्यांनी राजीनामा देण्याचा निर्णय घेतल्याचे सांगितले जात आहे.
शिवसेनेकडून इन्कार
मुंबईः बुलडाण्यातील सेना खासदार, आमदारांच्या राजीनाम्याचे वृत्त येताच मुंबईत दिवसभर खळबळ उडाली होती. मात्र, हे सर्वजण शिवसेनेसोबतच असून, त्यांचे कोणतेही राजीनामे आमच्यापर्यंत आलेले नाहीत, असे शिवसेना नेते आणि उद्योगमंत्री सुभाष देसाई यांनी रात्री ‌उशिरा स्पष्ट केले.
उद्धव, संजय राऊत यांच्याविरुद्ध तक्रार
यवतमाळ : ‘सामना’मधील व्यंगचित्राने मराठा समाजाच्या भावना दुखावल्याचा आरोप करीत शिवसेनाप्रमुख उद्धव ठाकरे, पक्षाचे खासदार संजय राऊत आणि व्यंगचित्रकार श्रीनिवास प्रभुदेसाई यांच्याविरुद्ध पुसद न्यायालयात फौजदारी फिर्याद दाखल करण्यात आली आहे.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *