facebook
Wednesday , April 26 2017
Breaking News
Home / Featured / अविनाश वारजूरकर यांना अटकपूर्व जामीन

अविनाश वारजूरकर यांना अटकपूर्व जामीन

आवाज न्यूज लाईन

नागपूर : महिलेवर बंदुकीच्या धाकावर बलात्कार केल्याच्या आरोपाखाली गुन्हा दाखल करण्यात आलेले चिमूरचे माजी आमदार अविनाश वारजूरकर यांना मुंबई हायकोर्टाच्या नागपूर खंडपीठाने अटकपूर्व जामीन मंजूर केला.

वारजूरकर यांच्याविरुद्ध एका महिलेने २७ जुलै २०१६ रोजी दाखल केलेल्या तक्रारीनुसार भंडारा पोलिसांनी भांदविच्या कलम ३७६ अन्वये गुन्हा दाखल केला होता. तक्रारीनुसार, वारजूरकर आणि पीडित महिलेचे कौटुंबिक संबंध होते. त्याचा वारजूरकर यांनी गैरफायदा घेतल्याचा आरोप करण्यात आला आहे. पीडित महिला ८ नोव्हेंबर २०१५ रोजी तिच्या मैत्रिणीसोबत भंडारा येथील हॉटेलमध्ये गेली होती. तिथे वारजूरकर आले. त्यांनी बंदुकीच्या धाकावर बलात्कार केल्याचा आरोप करण्यात आला आहे. त्यानंतर महिलेला वारजूरकर यांनी त्यांच्या कारमध्ये पेंच येथील रिसॉर्टमध्ये नेले. तेथेही महिलेवर अत्याचार करण्यात आला. महिलेने त्या घटनेची माहिती कुटुंबीयांना दिली. पण बदनामीमुळे तक्रार केली नाही. त्यानंतर वारजूरकर यांनी महिलेला मोबाइलवर संदेश पाठवणे आणि फोन करणे सुरू केले. त्यामुळे महिलेने तक्रार दाखल केली.

दरम्यान, सत्र न्यायालयाने अटकपूर्व जामीन फेटाळल्याने वारजूरकर यांनी हायकोर्टात धाव घेतली. त्यांच्या अर्जावर न्या. सुनील शुक्रे यांच्या एकलपीठासमोर सुनावणी झाली. तेव्हा वारजूरकर यांनी त्यांच्यावरील आरोपांना फेटाळून लावले. वारजूरकर यांच्यावतीने वरिष्ठ अधिवक्ता अनिल मार्डीकर आणि सुमीत जोशी यांनी तर सरकारच्यावतीने सहायक सरकारी वकील संजय डोईफोडे यांनी बाजू मांडली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *