facebook
Wednesday , April 26 2017
Breaking News
Home / Featured / गांधी मैदान की तपोवन ?

गांधी मैदान की तपोवन ?

आवाज न्यूज लाईन

कोल्हापूर: सकल मराठा समाजाच्यावतीने १५ ऑक्टोबर रोजी काढण्यात येणाऱ्या मराठा क्रांती मोर्चाच्या ठिकाणाबाबत संयोजन समितीची रविवारी (ता. २ ऑक्टोबर) जिल्हा पोलिस अधिक्षकांसोबत बैठक होणार आहे. या बैठकीत मोर्चासाठी गांधी मैदान की तपोवन मैदान या दोनपैकी कोणते ठिकाण निवडायचे, तसेच मोर्चाचा मार्ग याबाबत निर्णय होईल. मोर्चामध्ये सहभागी होणाऱ्या नागरिकांची संख्या, वाहनांची संख्या, पार्किंगच्या ठिकाणांचा विचार करून मोर्चाचे मुख्य ठिकाण व मार्ग निश्चित करण्यात येणार आहे. संयोजन समितीच्या कोअर कमिटीची बुधवारी सायंकाळी शिवाजी मंदिरमध्ये बैठक झाली. मोर्चासाठी विविध समित्या नेमण्यासाठी गुरुवारी (ता. २९ ऑक्टोबर) सकाळी अकरा वाजता पुन्हा बैठक होईल.

मराठा क्रांती मोर्चाची सुरुवात गांधी मैदानमधून करण्याचे नियोजन संयोजन समितीने केले आहे. आतापर्यंतच्या मोर्चाचे अनुभव पाहता शहराच्या चारही बाजूने प्रचंड संख्येने येणाऱ्या नागरिकांना गांधी मैदानपर्यंत पोहोचणे कसे शक्य होईल याचा विचार केला जात आहे. त्यासाठी पर्याय म्हणून तपोवन मैदान निवडण्याचा विचार सुरू झाला आहे. जिल्ह्यातील पश्चिमेकडील व दक्षिणेकडील भागातील नागरिकांना तेथे एकत्र जमण्यास सोपे होईल. मात्र पूर्व व उत्तर भागातून येणाऱ्या नागरिकांसाठी शहर ओलांडून तपोवन मैदानावर येणे, मोर्चा संपल्यानंतर परत तपोवन मैदानाकडे जाणे शक्य होईल का? याचा विचार केला जात आहे. याऐवजी शहरातील विविध भागातील नागरिकांना एकाच ठिकाणी येण्यापेक्षा त्या-त्या ठिकाणी थांबून मोर्चातील मार्गामध्ये सहभागी कसे होता येईल याची चाचपणी सुरू आहे. मोर्चाचा मार्ग कोणता ठेवायचा याचा निर्णय २ ऑक्टोबरला जिल्हा पोलिस अधीक्षक प्रदीप देशपांडे यांच्यासोबतच्या बैठकीत होणार आहे.

मोर्चाची पूर्वतयारी म्हणून पुढील आठवड्यात प्रत्येक तालुक्यात एकत्र मेळावा घेतला जाणार आहे. तेथून मोर्चाच्या नियोजनाला आणखी गती येईल. गुरुवारी (२९ सप्टेंबर) शिवाजी मंदिरमध्ये पुन्हा बैठक होईल. त्यात स्वच्छता, वाहतूक, अॅम्ब्युलन्स, पाणी वाटप व स्वयंसेवकांची समिती नेमण्यात येणार आहे. तसेच हेल्पलाइनही सुरू करण्यात येणार आहे. शिवाजी मंदिरमधील कार्यालयात सर्व बैठक होतील. त्यासाठी संगणक यंत्रणाही कार्यान्वित करण्यात आली आहे. त्याचे काम दोन दिवसांत पूर्ण क्षमतेने सुरू होणार आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *