facebook
Friday , February 24 2017
Breaking News
Home / Featured / ‘पाच लाखांचा दंड अधिकाऱ्यांनी भरावा’

‘पाच लाखांचा दंड अधिकाऱ्यांनी भरावा’

आवाज न्यूज लाईन

पर्यावरणाच्या नियमांचे उल्लंघन करणाऱ्या सिंहगड रस्त्यावरील गोयल गंगा ग्रुपकडे जाणीवपूर्वक दुर्लक्ष करणाऱ्या महापालिकेच्या अधिकाऱ्यांवर कारवाई करावी, राष्ट्रीय हरित लवादाने (एनजीटी) या प्रकरणी पालिकेला केलेला पाच लाख रुपयांचा दंड संबंधित अधिकाऱ्यांकडून वसूल करावा, अशी मागणी सुराज्य संघर्ष समितीने केली आहे.
मंजूर परवानगीपेक्षा अधिक बांधकाम केल्याचा ठपका ठेवून ‘एनजीटी’ने गोयल गंगा ग्रुपला १०५ कोटी रुपयांचा दंड ठोठावला आहे. या बांधकामाला परवानगी देताना महापालिकेतील अधिकाऱ्यांनी जाणीवपूर्वक दुर्लक्ष केल्याने महापालिकेला दंड ठोठावण्यात आला आहे. त्यामुळे ही रक्कम पालिकेच्या किंवा इतर सार्वजनिक प्राधिकरणाच्या निधीतून न देता संबधित अधिकाऱ्यांकडून वसूल करावी, अशी मागणी करण्यात आली आहे.
हे प्रकरण अत्यंत गंभीर असून, महापालिकेतील अधिकारी आणि बांधकाम व्यावसायिक यांच्यातील संबंध उघड करणारे आहे. पुणे परिसरात १५०पेक्षा जास्त बांधकामे पर्यावरण विषयक नियमांची पायमल्ली करून सुरू आहेत. पालिकेतील अधिकारी या बांधकामांवर कारवाई करण्याऐवजी त्यांना पाठीशी घालण्यात धन्यता मानत आहेत. त्यामुळे अशा अधिकाऱ्यांवर तातडीने आणि गंभीर कारवाई करणे गरजेचे आहे, अशी मागणी समितीचे विजय कुंभार यांनी मुख्यमंत्री देवेंद्र फडणवीस आणि पालिका आयुक्त कुणाल कुमार यांच्याकडे केली आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *