facebook
Wednesday , April 26 2017
Breaking News
Home / Featured / बेकरीची ‘आयटी’कडून चौकशी

बेकरीची ‘आयटी’कडून चौकशी

आवाज न्यूज लाईन

औरंगाबाद : छावणीतील एका नामांकित बेकरी समूहाची प्राप्तिकर विभागाकडून गेल्या दोन दिवसांपासून चौकशी करण्यात येत असून, जिल्ह्यातील वैजापूर येथील एका नामांकित म‌ल्टिस्टेट पतसंस्थेच्या एक हजार खातेधारकांनाही नोटीस बजावल्याने उद्योग आणि व्यवसाय क्षेत्रात खळबळ उडाली आहे.
दरम्यान, नांदेड, परभणी, जालन्यातील वित्तसंस्था, डॉक्टर, आर्किटेक्ट, कंत्राटदारही प्राप्तिकर विभागाच्या रडारवर असून, सुमारे शहरात ८ हजार नोटीस बजावण्यात आल्याची खात्रीलायक माहिती सूत्रांनी दिली आहे. परभणी, जालना, नांदेड येथे नामांकित डॉक्टर, मेडिकल ट्रस्ट या ठिकाणीही सर्वेक्षण करण्यात आले आहे. वैजापूर येथील नामांकित मल्टिस्टेट पतसंस्थेत एक हजार खातेधारकांनी बेहिशेबी व्यवहार केल्याचे उघड झाले आहे. यामुळे या सर्वच खातेधारकांना एकाचवेळी नोटीस बजावण्यात आल्या आहेत.

डॉक्टर, कंत्राटदारांकडे तपासणी
औरंगाबाद शहरातील तीन डॉक्टरांची तपासणी करण्यात आली असून, काहींना नोटीस बजावण्यात आल्या आहेत. वैजापूरच्याधर्तीवर शहरातीलदेखील काही पतसंस्था रडारवर असून, आर्किटेक्ट, डॉक्टर, वकील आणि कंत्राटदार यांचीही तपासणी केली, मात्र त्यांची नावे सांगण्यास प्राप्तिकर खात्याच्या सूत्रांनी नकार दिला. बीड, परभणी आणि नांदेड येथील प्रत्येकी तीन डॉक्टरांकडेही तपासणी केली असून, जालन्यातील पतसंस्था आणि मल्टिस्टेट पतसंस्थांही प्राप्तिकर विभागाच्या रडारवर आहेत.

आजपर्यंत ५ हजार नोटीस
औरंगाबाद शहरात विविध व्यावसायिक आणि उद्योजकांसह कर न भरत असलेल्या सुमारे ५ हजारांना नोटीस बजावण्यात आल्या आहेत. जिल्ह्यापातळीवर हा आकडा ८ हजारापर्यंत गेला आहे, असेही सूत्रांनी सांगितले. अघोषित संपत्ती जाहीर करण्यासाठी आता केवळ २ दिवस असून, नोटीसना प्रतिसाद न देणाऱ्यांवर छापे टाकण्याचे सत्र सुरू होऊ शकते.

वैजापूरला छापे
गंगापूर रोड वरील एका राजकीय पक्षाच्या पदाधिकाऱ्याच्या आणि व्यापाऱ्याच्या घरावर प्राप्तिकर विभागाने छापा टाकला असून, बेहिशेबी मालमत्ता बाळगणे, व्यवहार लपवून ठेवणे, बँक व्यवहार लपवणे आदी कारणांसह वारंवार बजावलेल्या नोटीसना उत्तर न दिल्यामुळे ही कारवाई करण्यात आली असल्याचे सांगण्यात येत आहे. ‌‌खातेदारांना नोटीस बजावलेल्या मल्टिस्टेट पतसंस्थेचे मुख्यालय नगर जिल्ह्यात आहे. त्याचबरोबर भंगार, हॉटेल, कापड व मेडिकल व्यावसायिकांसह काही उद्योजकांना नोटीस बजावल्या आहेत. या सर्व खातेधारकांच्या व्यवहारांवर प्राप्तिकर विभागाची गेल्या दोन महिन्यांपासून नजर असून, खात्यांचा डेटाबेस विभागाने मागवून घेतल्याने ही कारवाई सुकर झाली आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *