facebook
Tuesday , April 25 2017
Breaking News
Home / Featured / ‘शेतमाल हमीभावाबाबत शरद पवार गप्प का?

‘शेतमाल हमीभावाबाबत शरद पवार गप्प का?

आवाज न्यूज लाईन

‘शेतमालाला हमीभाव देण्याच्या प्रश्नासंदर्भात शरद पवार गप्प का आहेत,’ असा सवाल राज्य हमाल मापाडी महामंडळाचे अध्यक्ष डॉ. बाबा आढाव यांनी केला आहे. शेतमालाला हमीभाव मिळावा तसेच शेतकऱ्यांना कर्जमाफी संदर्भात राज्य सरकारकडे वारंवार मागणी करूनही मुख्यमंत्री देवेंद्र फड़णवीस याची साधी दखलही घेत नसल्याची खंत त्यांनी व्यक्त केली.

‘शेतमालाला योग्य हमीभाव मिळावा आणि कर्जमाफी मिळावी या मागण्यांसाठी येत्या दोन ऑक्टोबरपासून सात दिवसांचे उपोषण कऱण्यात येणार आहे. मार्केट यार्डातील छत्रपती शिवाजी महाराज यांच्या पुतळ्यासमोर उषोपण करण्यात येणार आहे. राज्यातील हमाल मापाडी मंडळाच्या वीस केंद्रांवरही एक दिवसाचे उपोषण करण्यात येणार आहे,’ असे डॉ. आढाव यांनी पत्रकार परिषदेत जाहीर केले. या वेळी नितीन पवार, संतोष नांगरे उपस्थित होते.

‘शेतकऱ्यांची हतबलता दूर करावी, फळभाज्या नियमनमुक्तीमुळे शेतकऱ्यांची अवस्था केविलवाणी झाली आहे. सरकारच्या या निर्णयामुळे शेतकऱ्यांच्या आत्महत्या वाढीचा धोका आहे. कांद्याला पाच पैसे दर मिळत असल्याचे प्रसारमाध्यमे प्रसिद्ध करतात; पण यामुळे साध्य काय होते? शेतकऱ्यांना घरी परत जायलाही पैसे उरत नाहीत. बाजार समिती तसेच आडते देखील काही देत नाहीत. त्यामुळे राज्य सरकारने बाजार समितीच्या माध्यमातून हमीफंडाची तरतूद करावी,’ अशी मागणीही डॉ. आढाव यांनी केली.

शेतकऱ्यांसाठी करण्यात येणाऱ्या उपोषण आंदोलनाला स्वाभिमानी शेतकरी संघटनेचे नेते आणि खासदार राजू शेट्टी तसेच शेतकरी संघटनेचे रघुनाथ पाटील यांनीही पाठिंबा दिला आहे. उपोषणस्थळी ते भेट देणार आहेत. आंदोलनाची दखल घेऊन सात दिवसांत सरकारने प्रश्न सोडविला तर ठीक; अन्यथा उपोषण आणखी कडक करण्याचा इशाराही डॉ. आढाव यांनी दिला.

‘पवार-फडणवीसांकडून दिशाभूल’

मराठा समाजाला आरक्षण देण्याच्या मुद्याला शरद पवार पाठिंबा देत आहेत. परंतु, आरक्षणाच्या मुद्याने प्रश्न सुटणार की वाढणार या विषयी ते दिशाभूल करीत आहेत. मराठा समाजास आरक्षण देण्याच्या मुद्यावर फडणवीसही बोलतात. मात्र, त्याचवेळी शेतमालाला हमीभावाबद्दल ते साधा उल्लेखही ते करीत नाहीत, असेही डॉ. आढाव म्हणाले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *