facebook
Saturday , December 10 2016
Home / Featured / खून प्रकरणी आरोपीला जन्मठेप

खून प्रकरणी आरोपीला जन्मठेप

आवाज न्यूज लाईन

नाशिक: येथील जिल्हा सत्र न्यायालयाने २०१३ साली तालुक्यातील वडनेर खाकुर्डी येथे झालेल्या एका खूनप्रकरणी आरोपीस जन्मठेप व सक्तमजुरी, तसेच अकरा हजार रुपये दंडाची शिक्षा ठोठावली.

आरोपी रावसाहेब दामू घुले (वय २५) याने पत्नी आशाबाई घुले (वय २१) हिच्यावर खंडू बापू घुले याच्याशी अनैतिक संबध आहेत, असा संशय घेतला होता. याबाबत मनात राग धरून त्याने खंडू घुलेची दगडाने ठेचून हत्या केली होती. तसेच पुरावे नष्ट करण्यासाठी आरोपी रावसाहेब घुले याने मृत खंडू घुले याचा मृतदेह शेजारील विहिरीत टाकून दिला होता. ही घटना २२ एप्रिल २०१३ रोजी रात्री घडली होती. या प्रकरणी खंडू घुलेचे वडील बापू घुले यांनी वडनेर खाकुर्डी पोलिस ठाण्यात फिर्याद दिली होती. येथील सत्र न्यायालयाचे न्या. खडांगळे यांच्यासमोर सुनावणी पार पडली. यात सरकारी पक्षातर्फे सात साक्षीदार तपासले गेले. मात्र प्रत्यक्षदर्शी साक्षीदार या प्रकरणात नसले तरी सरकारी वकील के. एन. राकावत यांनी प्रभावीपणे युक्तिवाद केला. या प्रकरणी बुधवारी (दि. २८) न्यायालयाने निकाल दिला असून, आरोपी रावसाहेब घुले यास जन्मठेप , सक्तमजुरी व ११ हजार रुपये दंड अशी शिक्षा ठोठावली.

Check Also

news-1

नियमितीकरणासाठी फक्त एक रुपया

आवाज न्यूज नेटवर्क – अहमदनगर – नगर शहरात खासगी व सरकारी खुल्या जागांवर असलेल्या सर्वधर्मिय …

Leave a Reply

Your email address will not be published. Required fields are marked *