facebook
Wednesday , December 7 2016
Home / Featured / ‘गोंधळ घालणारे शेतकरी नव्हेत!’
farmer

‘गोंधळ घालणारे शेतकरी नव्हेत!’

जळगाव : जिल्हा बँकेच्या शतकमहोत्सवी सभेत ‘त्या’ दरोडेखोर शेतकऱ्यांचा मुद्दा गाजला. सभेचे अध्यक्ष एकनाथ खडसे यांनी गोंधळ घालणारे शेतकरी नव्हेत. त्यांचा हेतू बँकेची नासधूस करण्याचाच होता. जे कोणी भविष्यात जिल्हा बँकेची नासधूस करण्याचा प्रयत्न करतील त्यांच्यावर गुन्हे दाखल करण्यात येईल, असा इशारा दिला.

जिल्हा बँकेत पीक विम्याच्या मागणी करणाऱ्या शेतकऱ्यांवर दरोड्याचा गुन्हा का दाखल करण्यात आला, असा प्रश्न काही जणांनी सभेच्या सुरुवातीला उपस्थित केला. जळगाव कृउबाचे उपसभापती व दरोड्याचा गुन्हा दाखल असलेले कैलास चौधरी यांनी आम्ही शेतकरी असूनदेखील आमच्यावर दरोड्याचे गुन्हे दाखल करण्यात आले. पीक विम्याची मागणी करणे चुकीचे होते का? असा प्रश्न केला. त्यावर खडसेंनी कैलास चौधरी यांनी बाहेर काढण्याची सूचना सुरक्षारक्षकांना केली. चौधरी हे आमंत्रित नसल्याचा मुद्दा खडसेंनी मांडला. कैलास चौधरी बोलत असताना काही जणांनी त्यांच्याशी वाद घालत त्यांना सभेबाहेर जाण्यास सांगितले. त्यामुळे काही वेळ सभेत गोंधळ झाला. दरम्यान, सभेनंतर मटाशी बोलताना सहकार राज्यमंत्री गुलाबराव पाटील म्हणाले की, ‘पीक विम्याच्या मागणीसाठी बँकेत आलेल्या शेतकऱ्यांवर दरोड्याचा गुन्हा एकनाथ खडसे यांनी दाखल केला. त्यामुळेच त्यांना या शेतकऱ्यांची हाय लागली. त्यापायी खडसेंना मंत्रिमंडळातून बाहेर जावे लागले.’

Check Also

आदिवासी तडवी समाजाचा मोर्चा

तालुक्यातील रसलपूर येथील रहिवासी मुबारक तडवी हा जळगाव येथील आदिवासी विद्यार्थी वसतिगृहात शिकत होता. तो …

Leave a Reply

Your email address will not be published. Required fields are marked *