facebook
Monday , December 5 2016
Home / Featured / दूध उत्पादकांना दोन रुपये रिबेट
thorat

दूध उत्पादकांना दोन रुपये रिबेट

आवाज न्यूज लाईन

अहमदनगर : पर्जन्यछायेत व सतत दुष्काळी असलेल्या संगमनेर तालुक्यात दूध व्यवसायाने मोठी आर्थिक स्थिरता निर्माण केली आहे. गरिबांचे जीवनमान उंचावताना गुणवत्तेतून राजहंस दूध संघ राज्यात सर्वोत्कृष्ट ठरला असून यावर्षी दूध उत्पादकांना प्रतिलिटर दोन रुपये १० पैसे प्रमाणे योग्य त्या कपातीसह रिबेट देण्यात येणार असल्याचे प्रतिपादन माजी महसूलमंत्री आमदार बाळासाहेब थोरात यांनी केले.

संगमनेर तालुका दूध संघाच्या वार्षिक सर्वसाधारण सभेत थोरात बोलत होते. रणजितसिंह देशमुख अध्यक्षस्थानी होते. जिल्हा बँकेचे संचालक बाजीराव खेमनर, अ‍ॅड. माधव कानवडे, रामदास वाघ, व्हाइस चेअरमन साहेबराव गडाख, भाऊसाहेब कुटे, लक्ष्मण कुटे, हरिभाऊ वर्पे, शिवाजी थोरात, मीरा चकोर, रावसाहेब नवले, शंकर खेमनर ,आर. बी. रहाणे, बाबा ओहोळ, केशव मुर्तडक, अमित पंडित, कार्यकारी संचालक प्रताप उबाळे, किरण पा. डोणगावकर, अनिल श्रीखंडे आदी या वेळी उपस्थित होते. या प्रसंगी उत्कृष्ट दूध वितरण व दूध उत्पादन करणाऱ्या संस्थांचा गौरव करण्यात आला.

आमदार थोरात म्हणाले, दुग्ध व्यवसायात स्पर्धा निर्माण झाली असून स्पर्धेत टिकण्यासाठी नवीन संकल्पना राबवून गुणवत्तेत आणखी सुधारणा करावी लागेल. यावर्षीही दूध उत्पादकांना संघाच्या वतीने प्रति लिटर २ रुपये १० पैसे या प्रमाणे रिबेट देण्यात येणार असून ४० पैसे अनामत ठेवून १ रु. ७० पसै प्रमाणे दिवाळीला दूध उत्पादकांना हे रिबेट दिले जाणार आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *