facebook
Saturday , December 3 2016
Home / Featured / ४२ कारखान्यांकडे १७७ कोटी थकले
sugar-factory

४२ कारखान्यांकडे १७७ कोटी थकले

शेतकऱ्यांना रास्त व किफायतशीर दराची (एफआरपी) रक्कम देण्यात राज्यातील बहुतांश साखर कारखान्याना यश आले आहे. मात्र, अद्याप ४२ कारखान्यांकडे सुमारे १७७ कोटी रुपयांची थकबाकी आहे.
या गळीत हंगामातील ‘एफआरपी’ची रक्कम शेतकऱ्यांना देण्यासाठी साखर आयुक्तालयाकडून सतत पाठपुरावा करण्यात येत होता. त्यामुळे बहुतांश कारखान्यांनी ‘एफआरपी’ दिली आहे. सुमारे १६ हजार ४७१ कोटी रुपयांची ‘एफआरपी’ देय होती. त्यापैकी १६ हजार ३२४ कोटी रुपयांची ‘एफआरपी’ देण्यात आली असल्याचे साखर आयुक्तालयाकडून सांगण्यात आले. ‘एफआरपी’ न देणाऱ्यांमध्ये ४२ कारखाने आहेत. त्यांच्याकडे सुमारे १७७ कोटी रुपयांची थकबाकी आहे. ही रक्कम येत्या १५ दिवसांत देण्याचे आदेश साखर आयुक्त विपिन शर्मा यांनी दिले आहेत. आगामी कारवाई टाळण्यासाठी साखर कारखान्यांनी ही रक्कम देण्याचे आवाहनही करण्यात आले आहे.
दरम्यान, सरकारने ‘एफआरपी’चा ८० : २०चा फॉर्म्युला ठरवला आहे. त्यानुसार ‘एफआरपी’ देणे आवश्यक असतानाही, अनेक कारखान्यांनी त्याचे पालन केले नाही. त्यामुळे साखर आयुक्तांनी कारवाईही केली होती. काही कारखान्यांविरूद्ध परवाने रद्द करण्याची कारवाई झाली. त्यामध्ये भोरमधील राजगड सहकारी साखर कारखाना, परभणीतील महाराष्ट्र शेतकरी कारखाना आणि यवतमाळमधील वसंत पुसद कारखाना यांचा समावेश होता. दोन कारखान्यांचे परवाने निलंबित केले होते. त्यामध्ये कोल्हापूरमधील गुरुदत्त शुगर्स आणि सोलापूरमधील सीताराम महाराज साखर कारखाना हे कारखाने होते.
सोलापूरमधील श्री शंकर सहकारी साखर कारखाना, औरंगाबादमधील सिद्धेश्वर साखर कारखाना, सांगलीतील यशवंत खानापूर कारखाना आणि माणगंगा सहकारी साखर कारखाना यांच्याविरूद्ध जप्तीची कारवाई केली होती. त्यामुळे यावर्षी ‘एफआरपी’ची थकबाकी गेल्यावर्षीच्या तुलनेत कमी आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *