facebook
Thursday , March 2 2017
Breaking News
Home / औरंगाबाद / परभणीत दलितांचा मोर्चा

परभणीत दलितांचा मोर्चा

परभणी – अनुसुचित जाती आणि अनुसुचित जमाती अत्याचार प्रतिबंधक कायदा (अॅट्रॉसिटी) कडक करण्यासाठी गुरुवारी लातूरपाठोपाठ परभणीत दलित संघटनांनी जिल्हा कचेरीवर मोर्चा काढला. यामध्ये नागरिक मोठ्या संख्येने सहभागी झाले होते.

शहरातील ज्ञानोपासक महाविद्यालयाच्या मैदानावरून या मोर्चास सुरूवात झाली. उड्डाणपूल, बसस्थानकमार्गे जिल्हाधिकारी कार्यालयावर धडकलेल्या या मोर्चेकऱ्यांनी जिल्हाधिकाऱ्यांना निवेदन दिले. त्यात भंडारा जिल्ह्यातील खैरलांजीच्या घटनेला १० वर्ष पूर्ण होऊनही देशात जातीयवादी व्यवस्था वाढली आहे. अनुसुचित जाती आणि अनुसुचित जमाती यांच्यावर अन्याय अत्याचाराचे प्रमाण वाढले आहे. या प्रवृत्तीला आळा घालण्यासाठी व अन्याय थांबविण्यासाठी अॅट्रॉसिटी कायदा कडक करणे गरजेचे आहे. अॅट्रॉसिटी कायद्यातील साक्षीदाराच्या जाचक अटी वगळण्यात याव्यात, या कायद्यातील आरोपींना न्यायालयातून अटकपूर्व जामीन देण्याची प्रक्रिया रद्द करण्यात यावी, अॅट्रॉसिटी कायद्यातील प्रकरणे उच्च न्यायालयात व जलद गती न्यायालयात चालविण्यात यावेत, या कायद्यातंर्गत अत्याचार पिढीताना शासनाकडून मिळणारी आर्थिक मदत गुन्हा दाखल झाल्यानंतर ३० दिवसाच्या आत ३० टक्के मिळावी, अॅट्रॉसिटी कायद्यातंर्गत शिक्षा झालेल्या आरोपीला पॅरोलची सुविधा रद्द करण्यात यावी, तसेच कोपर्डी बलात्कार प्रकरणातील आरोपींना फाशीची शिक्षा देण्यात यावी, आदी मागण्या करण्यात आल्या.

दरम्यान, मोर्चा जिल्हाधिकारी कार्यालयाजवळ आल्यानंतर शिवाजी महाराज पुतळ्याजवळील मैदानावर मोर्चातील प्रमुख नेत्यांची भाषणे झाली. यावेळी मोठ्या संख्येने दलित बांधव सहभागी झाले होते.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *