facebook
Monday , April 24 2017
Breaking News
Home / कोल्हापूर / श्री अंबाबाई मंदिर कायमस्वरूपी उजळणार

श्री अंबाबाई मंदिर कायमस्वरूपी उजळणार

करवीर निवासिनी श्री अंबाबाई मंदिर कायमस्वरूपी उजळण्यासाठी राज्य सरकारकडून एक कोटी व देवस्थान व्यवस्थापन समितीच्या वतीने एक कोटी अशी दोन कोटींची तरतूद केली आहे. चार दिवसांत याबाबतचे टेंडर निघणार आहे. शारदीय नवरात्रोत्सव शनिवारी सुरू होत असून, त्या पार्श्वभूमीवर गुरुवारी विद्युत रोषणाईत मंदिर उजळले होते.

नवरात्रोत्सवाच्या पार्श्वभूमीवर मंदिरातील सर्व तयारी अंतिम टप्प्यात आली आहे. मंदिराला कायमस्वरुपी विद्युत रोषणाई व्हावी यासाठी प्रयत्न केले जात आहेत. यासाठी दोन कोटींची तरतूद केली असून, चार दिवसांत याबाबतचे टेंडर निघणार आहे. त्यानंतर या प्रक्रियेला गती येणार आहे. गुरुवारीही पावसाच्या अडथळल्यामुळे मंदिरातील विद्युत रोषणाईचे टेस्टिंग करताना अडथळा निर्माण झाला. रात्री उशिरा विद्युत रोषणाईने मंदिर उजळून निघाले. महाद्वारवरील क्रेनच्या सहाय्याने फांद्या हटविण्यात आल्या.

 वॉकीटॉकी व हॅन्ड मेटल डिटेक्टर

मंदिर सुरक्षितेच्यादृष्टीने देवस्थान समितीच्यावतीने पोलिसांना व देवस्थान समितीच्या अधिकाऱ्यांना दहा हॅन्ड मेटल डिटेक्टर आणि १५ वॉकी टॉकी देण्यात आले.

रुद्रगर्जना ढोल पथक

अष्टमीला देवीचे वाहन पालखी पारंपरिक लवाजम्यासह नगरप्रदक्षिणेसाठी बाहेर पडते. रात्री साडेनऊ वाजता अष्टमीच्या पालखी मिरवणुकीला सुरुवात होणार आहे. यंदा अष्टमीच्या जागरासाठी रूद्रगर्जना हे पारंपरिक ढोलवाद्याचे पथक गुजरी मित्रमंडळाने निमंत्रित केले आहे.

ज्योत नेण्यासाठी दुर्गामंडळे दाखल

राज्यातील वेगवेगळ्या ठिकाणांहून दुर्गा मंडळे ज्योत नेण्यासाठी अंबाबाई मंदिरात गुरुवारी दाखल झाली होती. ज्योत प्रज्वलित करून ते परत गावी रवाना झाले.

२४ तास पाणी, वॉटर एटीएम

मंदिरात चोवीस तास पाणी उपलब्ध व्हावे यासाठी गेल्या काही दिवसांपासून महापालिकेच्यावतीने पाइपलाइन टाकण्याचे काम सुरू होते. ते काम पूर्ण झाले असून, मंदिरात चोवीस तास पाण्याची सुविधा उपलब्ध झाली आहे. मंदिरात एक हजार लिटरच्या पाच आणि पाच हजार लिटरची एक अशा पाण्याच्या टाक्या असून दत्तमंदिर, घाटी दरवाजा, विठ्ठल मंदिर, खंडोबा मंदिर आणि महाद्वार परिसरात पाण्याची व्यवस्था केली आहे, तसेच गुरुवारी इंडो काउंट कंपनीच्यावतीने मंदिराला वॉटर एटीएम दिले असून, भाविकांसाठी पाण्याची मोफत सुविधा देण्यात येणार आहे.

Check Also

वाहतूकदारांचा शुल्कवाढीला विरोध

केंद्रीय मोटार वाहन नियमांतील विविध शुल्कात पाचपट वाढ केल्याच्या निषेधार्थ बुधवारी कोल्हापूर डिस्ट्रीक्ट लॉरी ऑपरेटर्स …

Leave a Reply

Your email address will not be published. Required fields are marked *