facebook
Thursday , December 8 2016
Home / क्रीडाजगत / कैवल्य नागरेला दुहेरी मुकुट
chess3

कैवल्य नागरेला दुहेरी मुकुट

नाशिक जिमखान्यातर्फे झालेल्या जिल्हास्तरीय बुद्धिबळ स्पर्धेत ९ व ११ वर्षांखालील गटात कैवल्य नागरे, १३ वर्षांखालील गटात तन्मय महाले, तर १५ वर्षांखालील गटात अनीश नहार यांनी विजेतेपद मिळविले.

स्पर्धेत एकूण ८७ खेळाडूंनी सहभाग घेतला होता. १७ आंतरराष्ट्रीय मानांकित खेळाडूंचा सहभाग असलेल्या या चुरशीच्या स्पर्धेत पहिल्या फेरीपासूनच खेळाडूंना कडव्या लढतीला सामोरे जावे लागले. कैवल्य नागरे या बिगरमानांकित खेळाडूने मानांकितांना आश्चर्याचा धक्का देत लहान गटाची दोन विजेतीपदे खिशात घातली. तन्मय महाले याने आपल्या गुणवत्तेचे कसब दाखवत १३ वर्षांखालील गटातील विजेतेपद पटकावले.
सर्व वयोगटांपैकी सर्वांत चुरशीच्या १५ वर्षांखालील गटामध्ये तब्बल नऊ आंतरराष्ट्रीय मानांकित खेळाडूंचा सहभाग होता. या गटात अनिश नहार (एलो रेटिंग १६००) याने विजेतेपद मिळविले. मंगेश गंभिरे पंच होते. हर्षल वाल्डे यांनी सहकार्य केले.

शिवछत्रपती पुरस्कारप्राप्त नरेंद्र छाजेड यांच्या हस्ते पारितोषिक वितरण झाले. शेखर भंडारी यांनी सूत्रसंचालन केले. प्रमोद रानडे, अनिल चुंबळे, झुलकरनैन जागीरदार, मिलिंद जोशी, शेखर भंडारी, संजय मराठे आदी उपस्थित होते.

स्पर्धेचा निकाल ः

९ वर्षांखालील वयोगट ः

१. कैवल्य नागरे. २. अरविंद अय्यर, ३. श्रीहरी कुलकर्णी, ४. राम राठी, ५. ईश्वर रोकडे.

१३ वर्षांखालील वयोगट ः

१. तन्मय महाले, २. चैतन्य मते, ३. अजिंक्य जाधव, ४. सिया कुलकर्णी, ५. विशाल जाधव.

११ वर्षांखालील वयोगट

१. कैवल्य नागरे, २. सृष्टी रांका, ३. क्रीश चोपडा, ४. श्रावणी सामंत, ५. अरविंद अय्यर

१५ वर्षांखालील वयोगट ः

१. अनीश नहार, २. तन्मय महाले, ३. अनुराग काळकर, ४. श्रुती राठी, ५ ऐश्वर्या जोशी.

Check Also

खो-खोत जय हिंद, शिवभक्त जेते

जिल्हा खो-खो संघटना व समर्पण नाशिकतर्फे छत्रपती शिवाजी महाराज स्टेडियमवर सुरू असलेल्या अखिल भारतीय आमंत्रितांच्या …

Leave a Reply

Your email address will not be published. Required fields are marked *