facebook
Saturday , December 3 2016
Home / Featured / ‘मराठा आरक्षणाबाबत सरकार सकारात्मक’
34

‘मराठा आरक्षणाबाबत सरकार सकारात्मक’

आवाज न्यूज लाईन

पुणे : ‘मराठा समाजाच्या मागण्यांबाबत राज्य सरकार सकारात्मक आहे. याबाबत राज्य पातळीवर किंवा जिल्हा पातळीवर चर्चा करण्यास आम्ही तयार आहोत,’ असे महसूल मंत्री चंद्रकांत पाटील यांनी सांगितले.

पुण्यात एका कार्यक्रमानंतर पत्रकारांशी बोलताना पाटील यांनी मराठा आरक्षणाबाबतची राज्य सरकराची भूमिका स्पष्ट केली. ते म्हणाले, ‘मुख्यमंत्री देवेंद्र फडणवीस यांनी मराठा समाजाच्या मोर्चांबद्दल दहा दिवसांपूर्वी वक्तव्य केले आहे. त्यानुसार सरकारची चर्चेची तयारी आहे. ही चर्चा राज्य किंवा जिल्हा स्तरावर चर्चा होऊ शकते. आरक्षण देण्याबाबत सरकार तयार आहे. सध्या हे प्रकरण न्यायप्रविष्ट आहे.’ ‘अॅट्रॉसिटी कायद्यातील दुरुस्ती हा विषय केंद्र सरकारच्या अखत्यारित आहे. याबाबत मराठा आणि दलित समाजातील नेत्यांनी एकत्र बसून त्यातून मार्ग काढावा, ही सरकारची सुरवातीपासून भूमिका आहे,’ असेही पाटील म्हणाले.
मराठा समाजाला आरक्षण मिळाले पाहिजे, याबद्दल सरकारचे दुमत नसल्याचे सांगून पाटील म्हणाले की, ‘अण्णासाहेब पाटील महामंडळाला सुमारे दोनशे कोटी रुपये निधी दिला आहे; तसेच आरक्षण नसलेल्या समाजातील सर्व घटकांना मदत केली जाणार आहे. त्यासाठी सुमारे एक हजार कोटी रुपये निधी उपलब्ध करून देण्याची सरकारची तयारी आहे. त्यातून आर्थिकदृष्ट्या दुर्बल असलेल्या विद्यार्थ्यांना शिक्षणासह सर्व गोष्टींची सवलत मिळण्यास मदत होणार आहे.’

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *