facebook
Monday , December 5 2016
Home / Featured / ७५ हजारांची रोकड लंपास
robbery-clipart-robbery-420x328

७५ हजारांची रोकड लंपास

इचलकरंजी

शहरात गुरूवारी दोन वेगवेगळ्या ठिकाणी घडलेल्या घटनांमध्ये चोरट्यांनी ७५,००० रुपयांच्या रोख रक्कमेसह पर्स लंपास केली. एक घटना मॉडर्न हायस्कूल परिसरात तर दुसरी घटना मध्यवर्ती बसस्थानकात घडली.

आण्णाप्पा शंकर व्हसमाने (वय ६४) यांनी सकाळी येथील बँक ऑफ महाराष्ट्र शाखतेनू ७५००० रुपयांची रक्कम काढली. ती एका बॅगेतून घेऊन ते मित्रासोबत गाडीवरुन बँकेतून निघाले. मित्राने व्हसमाने यांना एएससी कॉलेजजवळ सोडले. त्यानंतर व्हसमाने हे चालत घरी निघाले होते. मॉडर्न हायस्कूलजवळील शिवमंदिरासमोर ते आले असताना अज्ञात चोरट्यांनी त्यांच्या हातातील बॅग हिसडा मारून पळविली. अचानक घडलेल्या या घटनेने व्हसमाने यांनी आरडाओरडा सुरु केला. तो ऐकून घटनास्थळी जमलेल्या नागरिकांनी चोरट्यांना पकडण्याचा प्रयत्न केला. पण चोरटे पसार झाले. दरम्यान, बॅगेतील रोकड काढून घेऊन चोरट्यांनी ती बॅग जवाहरनगर परिसरातील डॉ. अरुण पाटील यांच्या दवाखाना परिसरात टाकली होती. ही बॅग एका महिलेला सापडली. त्यामध्ये आधारकार्ड, एटीएम कार्ड व बँकेचे चेकबुक असे साहित्य होते. महिलेने ती बॅग शिवाजीनगर पोलिसांकडे आणून दिली. कागदपत्रांच्या आधारे पोलिसांनी व्हसमाने यांच्याशी संपर्क साधला. व्हसमाने यांनी घरगुती कार्यासाठी पैसे काढले होते. भरदिवसा झालेल्या या चोरीमुळे नागरिकांत खळबळ उडाली आहे.

दुसऱ्या घटनेत येथील मध्यवर्ती बसस्थानकात कॉलेज विद्यार्थिनीची पर्स चोरीला गेली. बसमधील प्रवाशांनी शोधाशोध करुनही पर्स न सापडल्याने वाहकाने एसटी थेट शिवाजीनगर पोलीस स्टेशनमध्ये नेली. त्याठिकाणी सर्व प्रवाशांची तपासणी केली. मात्र पर्स मिळून आली नाही. बसस्थानक परिसरात पाकिटमारांचे प्रमाण वाढले असून याठिकाणी असलेल्या चौकीत कायमस्वरूपी पोलिसाची नेमणूक करावी अशी मागणी प्रवाशांतून केली जात आहे. या दोन्ही घटनांची नोंद शिवाजीनगर पोलिसांत झाली आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *