facebook
Friday , February 24 2017
Breaking News
Home / Featured / पाकमधून अणुबॉम्बची भीती

पाकमधून अणुबॉम्बची भीती

वृत्तसंस्था, वॉशिंग्टन

‘पाकिस्तानची अण्वस्त्रे जिहादी गटांच्या हाती लागली, तर आत्मघातकी अणुबॉम्बरचा उदय होण्याची भीती आहे,’ असा इशारा अमेरिकी अध्यक्षपदाच्या निवडणुकीतील डेमॉक्रॅटिक पक्षाच्या उमेदवार हिलरी क्लिंटन यांनी दिल्याचे वृत्त ‘न्यूयॉर्क टाइम्स’ने दिले आहे.

‘पाकिस्तानात बंड होण्याची भीती आम्हाला वाटते, तेथे जिहादी सरकार ताब्यात घेऊ शकतात; तसेच त्यांना अण्वस्त्रे मिळू शकतात. त्यातून आत्मघातकी अणुबॉम्बर तयार होतील,’ अशी भीती हिलरी यांनी व्यक्त केल्याचे न्यूयॉर्क टाइम्सने म्हटले आहे. डेमॉक्रॅटिक पक्षाच्या कम्प्युटरमधून हॅक झालेल्या ध्वनिफितीचा हवाला देऊन हे वृत्त देण्यात आले आहे.

‘भारतासोबत सतत अस्थिर संबंध असल्याने पाकिस्तानने सामरिक अण्वस्त्रांची निर्मिती वेगाने सुरू केली आहे,’ असेही अमेरिकेच्या माजी परराष्ट्र मंत्री असलेल्या हिलरी यांनी म्हटले आहे. व्हर्जिनिया येथे फेब्रुवारीत बंद दारांआड झालेल्या निधीसंकलन कार्यक्रमात त्यांनी ही चिंता व्यक्त केली होती. या संदर्भातील ५० मिनिटांच्या ध्ननिफितीचा हवाला वृत्तपत्राने दिला आहे. ‘द वॉशिंग्टन फ्री बेकन’ या वेबसाइटवर ही ध्वनिफीत प्रसारित झाली आहे.

अण्वस्त्रांच्या आधुनिकीकरणाबद्दल विचारलेल्या प्रश्नावर या कार्यक्रमात हिलरी यांनी उत्तर दिले होते. अण्वस्त्रांच्या शर्यतीत रशिया आणि चीन; तसेच पाकिस्तान आणि भारत यांचीही नावे त्यांनी घेतली होती. ही सर्वाधिक धोकादायक घडामोड असल्याचेही त्यांनी म्हटले होते.

पाकिस्तानचे अंतर्गत संरक्षणमंत्री ख्वाजा महंमद आसिफ यांनी स्थानिक वाहिनीला दिलेल्या मुलाखतीत, पाकिस्तान भारताविरोधात अण्वस्त्रांचा वापर करण्याची दर्पोक्ती होती. ‘आमच्या सुरक्षेला धोका निर्माणझाल्यास मिटवून टाकू,’ अशी धमकी ख्वाजा यांनी दिली होती. त्यापार्श्वभूमीवर हिलरी क्लिंटन यांच्या वक्तव्याला महत्त्व निर्माण झाले आहे. ख्वाजा यांच्या वक्तव्यावर अमेरिकेने नुकतीच कठोर आपत्ती व्यक्त केली आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *