facebook
Friday , February 24 2017
Breaking News
Home / Featured / ‘मेट्रो’ स्थगितीस नकार

‘मेट्रो’ स्थगितीस नकार

आवाज न्यूज लाईन

पुणे : संरक्षित स्मारकांलगतचे मनाई क्षेत्र जाहीर करण्याची कोर्टाची सूचना
ऐतिहासिक संरक्षित स्मारकांलगतच्या मनाई क्षेत्रातून मेट्रोचा मार्ग जाणार असल्याने त्याला स्थगिती देण्याची ‘परिसर’ संस्थेची मागणी मुंबई हायकोर्टाने शुक्रवारी फेटाळली. राष्ट्रीय संरक्षित स्मारकांपासूनचे मनाई क्षेत्र लवकरात लवकर जाहीर करावे, अशा सूचना कोर्टाने केल्या.
शहरातील पाताळेश्वर लेणी, शनिवारवाडा आणि आगाखान पॅलेस अशा तीन राष्ट्रीय संरक्षित स्मारकांजवळून मेट्रोचा मार्ग आखण्यात आला असून, त्यामुळे या स्मारकांना धोका निर्माण झाल्याचा दावा ‘परिसर’ने केला होता. या प्रकरणी कोर्टाने मेट्रोच्या बांधकामाला स्थगिती द्यावी, अशी मागणी करणारी याचिका कोर्टात दाखल करण्यात आली होती.

मेट्रो प्रकल्पाला अद्याप केंद्र सरकारकडून अंतिम मान्यता मिळालेली नाही. ती मिळाल्यानंतर मेट्रोच्या मार्गिकांचा सविस्तर आराखडा तयार करण्यात येईल. त्या वेळी ‘संरक्षित स्मारक कायद्याचा विचार करूनच मेट्रोची मार्गिका निश्चित करण्यात येईल; तसेच आवश्यकतेनुसार ‘नॅशनल मॉन्युमेंट मिशन’ची (एनएमएम) परवानगी घेण्यात येईल,’ असे प्रतिज्ञापत्र महापालिकेने कोर्टापुढे सादर केले. महापालिकेची बाजू विचारात घेऊन, मेट्रोला मान्यताच मिळाली नसल्याने कोर्टाने ही याचिका फेटाळून लावली. हायकोर्टाच्या मुख्य न्यायमूर्ती मंजुला चेल्लूर आणि एम. एस. सोनक यांच्या खंडपीठापुढे ही सुनावणी झाली. महापालिकेच्या वतीने अॅड. अभिजित कुलकर्णी यांनी बाजू मांडली.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *