facebook
Thursday , December 8 2016
Home / पुणे / ‘एफटीआयआय’च्या शुल्कात वाढीला मान्यता
ftii-pune

‘एफटीआयआय’च्या शुल्कात वाढीला मान्यता

राष्ट्रीय चित्रपट व दूरचित्रवाणी संस्थेच्या (एफटीआयआय) शैक्षणिक परिषदेच्या मुंबई येथे शुक्रवारी झालेल्या बैठकीत दहा टक्के शुल्कवाढीच्या प्रस्तावाला मान्यता देण्यात आली. अभ्यासक्रम, वसतिगृहासह १५ विविध बाबींसाठी ही वाढ करण्यात आली आहे. संस्थेत पुढील वर्षीपासून प्रवेश परीक्षेबरोबर कलचाचणी घेतली जाणार असून, त्यानुसारच प्रवेश देण्यात येणार आहे, असे संस्थेचे संचालक भूपेंद्र कँथोला यांनी ‘मटा’ला सांगितले.

विद्यार्थ्यांचा विरोध लक्षात घेता शुल्कवाढीसाठी २०१० ऐवजी २०१५ हे आधारभूत वर्ष मानले जाईल. त्यामुळे लाखाच्या घरात जाणारे शुल्क पुढील वर्षी केवळ वीस टक्क्यांनी वाढणार आहे. नियामक मंडळाची मान्यता मिळाल्यानंतर पुढील शैक्षणिक वर्षापासून ही वाढ लागू होईल. अभ्यासक्रमाच्या प्रवेशासाठी वयाचे बंधन घातल्यास गोंधळ होण्याची शक्यता लक्षात घेता त्यामध्ये कोणताही बदल करण्यात आलेला नाही. त्यामुळे संस्थेतील कोणत्याही अभ्यासक्रमासाठी वयाचे बंधन यापुढेही नसेल.

Check Also

swapnil-shinde_2051

विविध कार्यक्रमांनी महामानवाला अभिवादन

भारतरत्न डॉ. बाबासाहेब आंबेडकर यांच्या ६०व्या महापरिनिर्वाण दिनानिमित्त मंगळवारी शहरात विविध सामाजिक उपक्रमांच्या माध्यमातून त्यांच्या …

Leave a Reply

Your email address will not be published. Required fields are marked *