facebook
Wednesday , December 7 2016
Home / Featured / पाकिस्तान पुन्हा भ्याड हल्ला करणार, देशभर ‘हाय अॅलर्ट’
08

पाकिस्तान पुन्हा भ्याड हल्ला करणार, देशभर ‘हाय अॅलर्ट’

सध्या जम्मू-काश्मिरात नागरिक आणि जवानांवर हल्ले करणाऱ्या दहशतवाद्यांच्या कारवायांतही भारताच्या ‘सर्जिकल स्ट्राइक’नंतर वाढ झाली असून, सुरक्षा यंत्रणा त्यावर लक्ष ठेवून आहेत.

संवेदनशील ठिकाणी, बाजारपेठा, धार्मिक स्थळे आदी ठिकाणी सुरक्षाव्यवस्था वाढवण्यात आली आहे. मेट्रो शहरांवर विशेष लक्ष ठेवण्यात आले आहे. पंजाबसह जम्मू-काश्मीर, राजस्थान, गुजरात या सीमेवरील राज्यांतील सुरक्षाव्यवस्था कडक करण्यात आली आहे.

जवानाला परत आणणार

‘चुकून पाकिस्तानच्या हद्दीत गेलेल्या चंदू बाबूलाल चव्हाण (२२) या जवानाला परत आणण्यासाठी केंद्र सरकार प्रयत्न करील,’ अशी माहिती राजनाथसिंह यांनी दिली. चव्हाण महाराष्ट्रातील धुळ्याचा असून, तो ‘राष्ट्रीय रायफल्स’चा जवान आहे. गुरुवारी सीमेवर गस्त घालत असताना तो चुकून पाकिस्तानच्या हद्दीत गेला. त्यानंतर पाकिस्तानी सैनिकांनी त्याला पकडले. अशा प्रकारे चुकून सीमा ओलांडून दुसऱ्या प्रदेशात जाण्याच्या घटना घडत असतात. यंत्रणेद्वारे त्या जवानाला किंवा नागरिकाला परत आणले जाते, असे लष्कराने म्हटले आहे. दरम्यान, चंदू पाकिस्तानच्या ताब्यात असल्याचे वृत्त कळल्यानंतर शुक्रवारी त्याच्या आजीचे हृदयविकाराच्या झटक्याने निधन झाले.

नरेंद्र मोदी जेव्हा देशाच्या पंतप्रधानांसारखे वागतील तेव्हा माझाही त्यांना पाठिंबा असेल. गेल्या अडीच वर्षांत त्यांची ही पहिली कृती आहे, जिला सडेतोड असे म्हणता येईल. त्याबद्दल मी त्यांचे अभिनंदन करतो.

राहुल गांधी, काँग्रेस उपाध्यक्ष

पाककडून ‘सार्क’ स्थगित

इस्लामाबाद : भारतासह पाच राष्ट्रांनी इस्लामाबादमध्ये ९-१० नोव्हेंबरला होणाऱ्या सार्क परिषदेत सहभागी होणार नसल्याचे सांगितल्यावर ही परिषद पुढे ढकलणे पाकिस्तानला भाग पडले आहे. भारतावर टीका करून पाकिस्तानने ही परिषद पुढे ढकलत असल्याचे शुक्रवारी जाहीर केले. परिषदेच्या नव्या तारखा लवकरच विद्यमान यजमान नेपाळच्या माध्यमातून जाहीर केल्या जातील, असेही स्पष्ट करण्यात आले आहे.

‘एखाद्या सदस्य राष्ट्राकडून द्विपक्षीय संबंधांमधील समस्यांची छाया प्रादेशिक सहकार्यासाठीच्या व्यासपीठावर पाडली जाते, तेव्हा ‘सार्क’च्या सनदीचे उल्लंघन होते,’ असा दावा पाकच्या परराष्ट्र मंत्रालयाने प्रसिद्धीपत्रकात केला आहे.

‘भारताकडून काश्मिरात होणाऱ्या अत्याचारांवरून जगाचे लक्ष हटवण्यासाठीच उरी हल्ल्याचे संदर्भहीन आरोप करून भारताने सार्क परिषदेपासून लांब राहण्याचा निर्णय घेतला आहे,’ असा आरोपही पाकिस्तानने या पत्रकात केला आहे.

Check Also

news-14

सुशीकुमार शिन्देकडून शहीद कुणाल गोसावी परिवाराचे सांत्वन

आवाज न्यूज नेटवर्क –  पंढरपूर – (प्रतिनिधी – नागेश सुतार) – शहीद मेजर कुणाल गोसावी यांचे …

Leave a Reply

Your email address will not be published. Required fields are marked *