facebook
Saturday , December 10 2016
Home / पुणे / अं‌निसवर प्रशासक नेमण्याची मागणी
anis

अं‌निसवर प्रशासक नेमण्याची मागणी

डॉ. नरेंद्र दाभोलकरांच्या महाराष्ट्र अंधश्रद्धा निर्मूलन समितीच्या (अं‌निस) ट्रस्टचा कारभार पाहता त्यावर प्रशासक नेमावा, ट्रस्टचे विशेष लेखा परीक्षण करावे, ट्रस्टवरील गंभीर आरोपांची मोघम चौकशी केल्यामुळे पुन्हा फेरचौकशी करावी, असे अनेक ताशेरे सार्वजनिक न्यास नोंदणी कार्यालयाच्या अधीक्षकांनी चौकशी अहवालात ओढले आहेत. त्यामुळे अं‌निसवर तत्काळ प्रशासक नेमावा आणि दाभोलकरांच्या खुनाशी त्यांच्या ट्रस्टमधील आर्थिक गैरव्यवहार कारणीभूत आहेत का याची कसून चौकशी करावी, अशी मागणी सनातन संस्थेचे प्रवक्ते अभय वर्तक यांनी शनिवारी पत्रकार परिषदेत केली.

हिंदू विधिज्ञ परिषदेचे राष्ट्रीय सचिव अधिवक्ता संजीव पुनाळेकर, राष्ट्रीय वारकरी सेनेचे कोकण प्रांताध्यक्ष बापूमहाराज रावकर, सुनील चिंचोलकर, हिंदू जनजागृती समितीचे महाराष्ट्र राज्य संघटक सुनील घनवट आदी उपस्थित होते. वर्तक म्हणाले, ‘अं‌निसच्या ट्रस्टमधील कोट्यवधी रुपयांच्या आर्थिक घोटाळ्यांची चौकशी करण्यासंदर्भात डोंबिवली येथील आरटीआय कार्यकर्ते सुधांशू जोशी व इतरांनी विविध शासकीय खात्यांमध्ये तक्रारी केल्या होत्या. या प्रकरणी सातारा येथील सार्वजनिक न्यास नोंदणी कार्यालयाच्या निरिक्षकांचा चौकशी अहवाल माहितीच्या अधिकारात उपलब्ध झाला आहे. यातून अनेक बाबी समोर आल्या आहेत.’

हिशेबपत्रके विलंबाने दाखल केल्याने त्याबद्दल धर्मादाय आयुक्तांनी ट्रस्टला दंड ठोठावला आहे. महाराष्ट्र अंधश्रद्धा निर्मूलन समिती संचलित वैज्ञानिक जाणीवा प्रकल्प या नावाने संस्थेने उपक्रम राबविला असल्याचे आढळले आहे. या प्रकल्पाद्वारे शाळांमधून स्वयंअध्ययन परीक्षांद्वारे लाखो रुपयांची संपत्ती जमा झाल्याचे न्यासाच्या कीर्द व खतावणीवरून आढळून येते. न्यासाने ठेवी ठेवताना कलम ३५ चे उल्लंघन केल्याचे दिसून येते. काही रकमा रयत सेवक सह. बँक, शामराव विठ्ठल को-ऑप बँक अशा अनेक बँकांत ठेवण्यात आल्या आहेत. हिशेब तपासणीने हिशेब पत्रकासोबत परदेशी देणग्यांबाबतचा सविस्तर अहवाल सादर केलेला नाही. न्यासाने परदेशातून मोठ्या प्रमाणात अनुदाने मिळवली असून विविध स्वरुपाचे निधी सरकारकडून आणि शाळांमधून जमा केले असल्याचे अहवालातून आढळले आहे, असे वर्तक यांनी सांगितले.

Check Also

पुरुषोत्तम महाअंतिम फेरी सुरू

पुरुषोत्तम करंडक महाअंतिम फेरीला मोठ्या उत्साहात सुरुवात झाली आहे. महाअंतिम फेरीला कुडाळ येथील संत राऊळ …

Leave a Reply

Your email address will not be published. Required fields are marked *