facebook
Tuesday , April 25 2017
Breaking News
Home / Featured / १२४२ कोटींचा रस्त्याचे नितीन गडकरी काढून भूमी पूजन

१२४२ कोटींचा रस्त्याचे नितीन गडकरी काढून भूमी पूजन

आवाज न्यूज नेटवर्क

नागपूर

केंद्रीय मंत्री नितीन गडकरी यांच्या  केंद्राच्या निधीतून  सुमारे १२४२ कोटी रुपयांच्या रस्त्यांचे तब्बल पाच ठिकाणी भूमिपूजन आज, शनिवारी होणार आहे. दुपारी १ ते सायंकाळी ५ वाजेपर्यंत केंद्रीय मंत्र्यांच्या हस्ते होणाऱ्या कार्यक्रमाच्या अध्यक्षस्थानी मुख्यमंत्री देवेंद्र फडणवीस तर, पालकमंत्री चंद्रशेखर बावनकुळे प्रमुख पाहुणे राहतील.सावनेर येथे दुपारी २.३० वाजता जाहीर सभा होणार आहे. राष्ट्रीय महामार्ग क्रमांक ४७ वरील कोराडी, वलनी (पिंपळा), सावनेर बायपास, सावनेर, आऊटर रिंग रोड, जामठा ते फेटरी आणि फेटरी ते धारगाव या रस्त्यांचे भूमिपूजन करण्यात येणार आहे. पहिल्या टप्प्यात जामठा ते फेटरी असा ३५ किलोमीटर लांब चौपदीकरण करण्यात येईल. दुसऱ्या टप्प्यात फेटरी ते धारगाव २८ किलोमीटर लांब आहे. एकूण ६२ किलोमीटर लांबीच्या रस्त्यावर अनुक्रमे ५३१ कोटी रुपये आणि ६३९ कोटी रुपये खर्च होणार आहेत. या मार्गावर खडका आणि पवनगाव येथे टोल नाके राहतील. पहिल्या टप्प्यात आवश्यक २८१ हेक्टरपैकी २४४ हेक्टर जमीन उपलब्ध आहे. ३६ हेक्टर भूसंपादन करण्यात येणार आहे. दुसऱ्या टप्प्यासाठी २८१ हेक्टर जमीन लागेल. पैकी १५२ हेक्टर उपलब्ध असून ६५ हेक्टर भूसंपादन करण्यात येईल.
राष्ट्रीय महामार्ग क्रमांक ४७ वरील सावनेर बायपास जंक्शनजवळ उड्डाणपूल बांधण्यात येणार आहे. यावर २५ कोटी रुपये खर्च अपेक्षित आहे. वलनी येथे पादचाऱ्यांसाठी सुमारे दीड किलोमीटर लांब १५ कोटी रुपयांमध्ये भूयारी मार्ग बांधण्यात येणार आहे.

कार्यक्रमास खासदार अजय संचेती, खासदार डॉ. विकास महात्मे, खासदार कृपाल तुमाने, आमदार सुनील केदार व आमदार समीर मेघे यांच्यासह जिल्ह्यातील सर्व आमदार उपस्थित राहतील.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *