facebook
Wednesday , December 7 2016
Home / Featured / नव्या ट्रेंडमुळे गृहिणींच्या सुप्तगुणांना वाव
diva

नव्या ट्रेंडमुळे गृहिणींच्या सुप्तगुणांना वाव

आवाज न्यूज नेटवर्क

पुणे : मातीच्या पारंपरिक पणत्यांना आधुनिक टच देऊन तयार केलेल्या डेकोरेटिव्ह पणत्यांची यंदाही दिवाळीत चलती असणार आहे. या नव्या ट्रेंडमुळे गृहिणींच्या सुप्तगुणांना वाव मिळाला असून, बचत गटांच्या बरोबरीने सध्या महिलावर्ग पणत्यांच्या ऑर्डर पूर्ण करण्यात व्यग्र आहे. लहान-मोठ्या प्रदर्शनांपासून, कॉर्पोरेट कंपन्यांबरोबरच शॉपिंग मॉलपर्यंत या पणत्या आता पोहोचल्या आहेत.
दिवाळीमध्ये पणती हा अविभाज्य घटक असल्याने नवरात्र संपल्यानंतर शेकडो प्रकारच्या पणत्या कुंभारवाडा आणि बाजारपेठांमध्ये दाखल होतात. मात्र, गेल्या चार वर्षांपासून पारंपरिक पणत्यांऐवजी क्रिएटिव्ह पणत्यांची मागणी वाढली आहे. विविध आकारातील पणत्या घरी आणून, महिलावर्ग त्याला वेगवेगळे रंग, कुंदनच्या टिकल्या, मोती, घुंगरू, आरसे आदी कलाकुसरीच्या वस्तूंनी सजवतात. पणत्यांना मिळालेल्या या आधुनिक टचमुळे ग्राहकांना भुरळ घालण्यात त्या यशस्वी ठरल्या आहेत. दरवर्षी या पणत्यांची मागणी वाढत असल्याने बचत गटांबरोबरच अनेक महिलांना दिवाळीत हक्काचा रोजगार मिळाला आहे. विशेष म्हणजे दिवाळीनिमित्त ठिकठिकाणी भरविण्यात येणाऱ्या प्रदर्शनांबरोबरच कॉर्पोरेट कंपन्यांच्याही गिफ्ट ऑर्डरही महिलांना मिळायला सुरुवात झाली आहे.

Check Also

swapnil-shinde_2051

विविध कार्यक्रमांनी महामानवाला अभिवादन

भारतरत्न डॉ. बाबासाहेब आंबेडकर यांच्या ६०व्या महापरिनिर्वाण दिनानिमित्त मंगळवारी शहरात विविध सामाजिक उपक्रमांच्या माध्यमातून त्यांच्या …

Leave a Reply

Your email address will not be published. Required fields are marked *