facebook
Thursday , December 8 2016
Home / Crime / घरकाम करणाऱ्या महिलेचा अज्ञाताकडून भर रस्त्यात खून
pune-shubhangi-khatavkar-murder-404x395

घरकाम करणाऱ्या महिलेचा अज्ञाताकडून भर रस्त्यात खून

आवाज न्यूज नेटवर्क

पुणे : पहाटेच्या सुमारास कामासाठी निघालेल्या महिलेचा अज्ञात हल्लेखोरानं खून केल्याची धक्कादायक घटना पुण्यातील कोथरूड येथे घडली. शुभांगी खटावकर (३१) असं मृत महिलेचं नाव असून हल्ल्यामागील कारण अद्याप स्पष्ट  झालेलं नाही.

शुभांगी खटावकर या घरकाम करायच्या. नेहमीप्रमाणे  पहाटे साडेपाचच्या सुमारास त्या स्वत:च्या दुचाकीवरून कामाला जाण्यासाठी  निघाल्या. कर्वेनगरहून निघून त्या राहुलनगर येथे पोहोचल्या असता अज्ञात  हल्लेखोरानं त्यांना अडवलं व त्यांच्यावर हल्ला केला. हल्लेखोरानं डोक्यावर घाव घातल्यानं शुभांगी यांचा जागीच मृत्यू झाला. रक्ताच्या थारोळ्यात पडलेल्या शुभांगी यांना पाहून भेदरलेल्या हल्लेखोरानं त्यांचीच दुचाकी घेऊन  तिथून पळ काढला.

पहाऱ्यावर असलेल्या पोलिसांना शुभांगी यांचे पती त्यांच्या मृतदेहाजवळ रडताना आढळले. अलंकार पोलिसांनी घटनेचा पंचनामा केला असून मृतदेह ताब्यात घेतला आहे. या प्रकरणी पुढील तपास सुरू आहे.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *