facebook
Saturday , February 25 2017
Breaking News
Home / Featured / कोपर्डी क्रौर्य : दोन आरोपींना सरकारचा वकील

कोपर्डी क्रौर्य : दोन आरोपींना सरकारचा वकील

आवाज न्यूज नेटवर्क –
नगर : कोपर्डीतील अल्पवयीन मुलीवरील अत्याचार व खूनप्रकरणाची सुनावणी मंगळवारी सुरू झाली. यातील मुख्य आरोपी जितेंद्र शिंदे व संतोष भवाळ यांना सरकारी खर्चातून विधी सेवा केंद्राकडून वकील देण्यात आला आहे. तर तिसरा आरोपी नितीन भैलूमे याच्या वकिलाने जामिन व दोषमुक्त करण्यासाठी दोन अर्ज न्यायालयात दाखल केले आहेत. या खटल्यात आज बुधवारीही सुनावणी होणार असून, आरोपींवर दोषनिश्चिती होण्याची शक्यता आहे.

येथील अतिरिक्त सत्र न्यायाधीश सुवर्णा केवले यांच्या न्यायालयात या खटल्याचे कामकाज मंगळवारी सुरू झाले. सरकारी पक्षाच्या वतीने विशेष सरकारी वकील अॅड. उज्ज्वल निकम हे बाजू मांडणार आहेत. तिन्ही आरोपींविरुद्ध दहा दिवसांपूर्वीच आरोपपत्र दाखल करण्यात आले आहे. मंगळवारी तिन्ही आरोपींना न्यायालयात हजर करण्यात आल्यानंतर न्यायालयाने आरोपींना वकिल दिले आहेत का याची विचारणा केली. त्यावर मुख्य आरोपी शिंदे व संतोष भावळ यांनी वकील दिला नसल्याचे सांगितले. आर्थिक परिस्थिती नसल्याचे सांगून सरकारी खर्चाने वकील देण्याची विनंती दोघा आरोपींनी न्यायालयाकडे केली. त्यानंतर या दोघांनी वकील मिळण्याबाबत लेखी अर्ज न्यायालयाकडे केला. दुपारच्या सत्रात न्यायालयाने वकील देण्याचे दोघांचे अर्ज मंजूर करून ते अर्ज विधी सेवा केंद्राकडे दिले. त्यानुसार विधी सेवा केंद्राने मुख्य आरोपी शिंदे आणि भवाळ या दोन आरोपींसाठी अॅड. योहान मकासरे यांची नियुक्ती केली आहे. मकासरे पूर्वी सरकारी वकील होते. पाच वर्षांपूर्वी ते सेवानिवृत्त झाले असून विधिसेवा प्राधिकरणाकडील वकिलांच्या पॅनेलमधील ते सर्वांत ज्येष्ठ वकील आहेत. बुधवारपासून ते या दोन आरोपींची बाजू मांडतील. गुन्ह्यातील तिसरा आरोपी नितीन भैलूमे याच्यावतीने मुंबई येथील वकील प्रकाश आहेर हे बाजू मांडणार आहेत. त्यांनी न्यायालयात भैलूमे याच्या जामिनाचा व आरोपातून दोषमुक्त करण्याचा असे दोन अर्ज न्यायालयात दाखल केले आहेत. बुधवारी सुनावणी होऊन या अर्जावर सुनावणी होणार आहे.

 

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *