facebook
Thursday , December 8 2016
Home / Featured / ओडिशामध्ये झालेल्या गोळीबारात २३ माओवादी ठार
images

ओडिशामध्ये झालेल्या गोळीबारात २३ माओवादी ठार

Facebook Like

आवाज न्यूज लाईन

ओडिशा- ओडिशा आणि आंध्र प्रदेश पोलिसांनी आखलेल्या संयुक्त कारवाईदरम्यान आज ( सोमवार) पहाटेच्या सुमाराला ही चकमक झाल्याची माहिती सूत्रांनी दिली आहे.

सुरक्षा दलाचे जवान आणि माओवाद्यांदरम्यान तब्बल तासभर धुमश्चक्री सुरू होती. सर्वप्रथम जवानांनी माओवाद्यांना शरण येण्याचे आवाहन केले. मात्र माओवाद्यांनी जवानांना प्रतिसाद न दिल्याने शेवटी ही कारवाई करण्यात आली. पोलिसांनी माओवाद्यांकडून ४ एके-४७ रायफली जप्त केल्या आहेत.

ओडिशा आणि आंध्र प्रदेशच्या सीमेवरील मलकानगिरीच्या जंगलात सुरक्षा दलातील जवान आणि माओवाद्यांदरम्यान झालेल्या चकमकीत २३ माओवादी ठार झाले आहेत. या चकमकीत दोन पोलीस गंभीर जखमी झाल्याचेही वृत्त आहे.

एका पोलीस अधिकाऱ्याने दिलेल्या माहितीनुसार, माओवाद्यांचा तळ मलकानगिरीपासून १० किमी इतक्या अंतरावर होता. मलकानगिरी हा ओडिशातील माओवादी प्रभावित जिल्ह्यांपैकी एक जिल्हा आहे.

जवान आणि माओवाद्यांदरम्यान चकमक सुरू झाली, त्यावेळी माओवाद्यांच्या तळावर ५०-६० माओवादी उपस्थित होते अशी माहिती पोलिसांना मिळाली होती. यांपैकी २३ माओवाद्यांना चकमकीदरम्यान ठार करण्यात आले आहे.

या चकमकीबाबत आंध्र प्रदेश पोलिसांनी दिलेल्या माहितीनुसार, ज्या ठिकाणी चकमक झडली ते ठिकाण मलकानगिरीतील चित्रकोंडा पोलिसांच्या हद्दीत येते. हा भाग आंध्र प्रदेशच्या सीमेलगत आहे.

याबाबत अधिक माहिती देताना ओडिशाचे अतिरिक्त पोलीस महासंचालक अरुण सारंगी म्हणाले, की या मोहिमेची रुपरेषा दोनच दिवसांपूर्वी आखण्यात आली होती. मलकानगिरी भागात माओवाद्यांच्या हालचाली सुरू असून या ठिकाणी त्यांची बैठक होणार होती अशी माहिती आम्हाला मिळाली होती. त्यानंतर तातडीने माओवाद्यांविरुद्धच्या मोहिमेसाठी आम्ही आंध्र प्रेदश पोलिसांची मदत मागितली.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *