facebook
Monday , December 5 2016
Home / Featured / शहरात वाढला थंडीचा मुक्काम
1923477

शहरात वाढला थंडीचा मुक्काम

आवाज न्यूज नेटवर्क –

पुणे – शाल, स्वेटर, मफलर, कानटोपी असा जामानिमा करून बाहेर पडणारे पुणेकर, सायंकाळनंतर रस्त्याच्या कडेला, बिल्डिंगच्या आवारात पेटणाऱ्या शेकोट्या आणि रात्रीच्या वेळी रस्त्यावर कमी होणारी गर्दी यामुळे आता पुण्यात थंडीच्या मुक्कामावर जणू शिक्कामोर्तबच झाले आहे. दिवाळीने जाता जाता दिलेली ही यंदाच्या मोसमातील कडाक्याच्या थंडीची भेट पुणेकरांना अंगवळणी पडू लागली आहे.
देशभरातून मान्सून माघारी परतून आता दोन आठवडे झाले आहेत. त्यामुळे वातावरणातील बाष्पाचे प्रमाण कमी झाल्याने हवामान कोरडे आहे. त्यातच उत्तरेकडील राज्यातून महाराष्ट्राकडे थंड आणि कोरडे वारे वाहत असल्याने राज्यातील थंडीचे प्रमाण वाढले आहे.
पुण्यात रविवारी ३० अंश सेल्सिअस कमाल तर, १२.३ अंश सेल्सिअस किमान तापमान नोंदले गेले. हे किमान तापमान सरासरीपेक्षा तीन अंशांनी कमी होते. परिणामी शहरात दुपारनंतरच गारवा जाणवत होता. सायंकाळनंतर शहरात बोचरे वारे वाहत असल्याने थंडीची तीव्रता आणखी वाढली. त्यामुळे सायंकाळी किंवा रात्री बाहेर पडणारे नागरिक पूर्ण जामानिम्यासहित बाहेर पडत असल्याचेच चित्र होते. रविवारी राज्यातील सर्वात नीचांकी किमान तापमानाची नोंद नाशिक येथे (११.४ अंश सेल्सिअस) झाली. महाबळेश्वर येथे १२.७, जळगाव येथे १३, अमरावती येथे १३.२, यवतमाळ येथे १३.४, सातारा येथे १४.९ अंश सेल्सिअस इतक्या किमान तापमानाची नोंद झाली. पुढील पाच ते सहा दिवस राज्यात हवामान कोरडे राहील, असा अंदाज हवामान विभागाने वर्तविला आहे. त्यामुळे थंडीचा कडाका कायम राहून तापमानात किंचित घट होण्याची शक्यता असल्याचेही हवामान विभागातर्फे सांगण्यात आले.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *