facebook
Saturday , February 25 2017
Breaking News
Home / Featured / खासगी शाळा शिक्षकांना गट विमा नाही

खासगी शाळा शिक्षकांना गट विमा नाही

आवाज न्यूज नेटवर्क –

मुंबई – मुंबईतील खासगी अनुदानित प्राथमिक शाळांमधील शिक्षक व शिक्षकेतर कर्मचारी हे महापालिकेच्या सेवेत येत नाहीत. या शिक्षक, शिक्षकेतर कर्मचाऱ्यांची नेमणूक शालेय व्यवस्थापनांकडून केली जाते. पालिकेचे कर्मचारी नसल्याने त्यांना महापालिका कर्मचाऱ्यांच्या धर्तीवर वैद्यकीय गट विमा योजना लागू करण्यास पालिकेच्या शिक्षण विभागाने स्पष्ट शब्दांत नकार दिला आहे.

पालिकेने जुलै २०१५ पासून कर्मचाऱ्यांना वैद्यकीय गट विमा योजना लागू केली आहे. ही योजना मुंबईतील खाजगी अनुदानित प्राथमिक शाळेतील शिक्षक व शिक्षकेतर कर्मचाऱ्यांना लागू करण्याची मागणी पालिका शिक्षण सेनेचे अध्यक्ष के. पी. नाईक यांनी केली होती. त्याआधारे शिवसेना नगरसेवक अनिल त्रिंबककर यांनी शिक्षण समितीत ही मागणी केली. खासगी अनुदानित शाळेतील शिक्षक व शिक्षकेतर कर्मचाऱ्यांचे वेतन पालिका देते. त्यामुळे गट विमा मिळण्यासाठी ते पात्र ठरतात. त्यामुळे शिक्षक व शिक्षकेतर कर्मचाऱ्यांच्या प्रत्येक महिन्याच्या वेतनातून २०० रुपये घेत निर्णय घ्यावा, अशी मागणी त्रिंबककर यांनी केली होती. त्याप्रमाणे ऑगस्ट २०१५मध्ये ठरावही मंजूर झाला होता. पण हा ठराव फेटाळत शिक्षण विभागाने खासगी अनुदानित प्राथमिक शाळांमधील कर्मचाऱ्यांना गट विमा लागू करण्यास नकार दिला. वैद्यकीय गट विमा योजना सुरू करण्याची जबाबदारी संबंधित शाळा व्यवस्थापनाची असल्याचा अभिप्राय पालिकेने दिला आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *