facebook
Monday , December 5 2016
Home / Featured / ‘भैलुमेचे घर सील केलेले नाही’
court

‘भैलुमेचे घर सील केलेले नाही’

आवाज न्यूज नेटवर्क –

अहमदनगर – कोपर्डीतील अल्पवयीन मुलीवर अत्याचार व हत्याप्रकरणातील तिसरा आरोपी नितीन भैलुमे याच्या जामीन अर्जावर व त्याच्या घराला पोलिसांनी लावलेले सील या दोन अर्जावर सरकारी पक्षाने सोमवारी न्यायालयात म्हणणे सादर केले. त्यात या आरोपीच्या घराला पोलिसांनी सील लावलेले नाही, तसेच त्याच्या घरच्यांना घरात जाण्यास मज्जाव केलेला नाही, असे म्हणणे सरकारी पक्षाच्या वतीने विशेष सरकारी वकील उज्ज्वल निकम यांनी न्यायालयापुढे मांडले. जामीन अर्ज व घराचे सील या दोन्ही अर्जावर मंगळवारी सुनावणी होणार आहे.

तिसरा आरोपी नितीन भैलूमे याचा गुन्ह्यातुन वगळण्याचा अर्ज येथील जिल्हा न्यायाधीश सुवर्णा केवले यांनी गेल्या सुनावणीत फेटाळून लावला आहे. या विरोधात आरोपीचे वकिल औरंगाबाद खंडपीठात अपील सादर करणार आहेत. याबाबत अपिल दाखल केल्यानंतर त्याची माहिती न्यायालयाला द्यायची होती. परंतु आरोपीचे वकिल अॅड. प्रकाश आहेर यांनी ही माहिती सोमवारी न्यायालयाला दिली नाही. तसेच याबाबत माहिती देण्यासाठी मंगळवारपर्यंतची मुदत आरोपीच्या वकिलाने मागून घेतली आहे. आरोपीला जामीन द्यावा, आरोपीची कागदपत्रे मिळविण्यासाठी त्याच्या घराला पोलिसांना लावलेले सील काढावे, असे दोन अर्ज आरोपीच्या वकिलाने यापूर्वीच न्यायालयात दिले आहेत. त्या अर्जावर सरकार पक्षाच्या वतीने निकम यांनी न्यायालयात लेखी म्हणणे सादर केले. आरोपीच्या घराला पोलिसांनी सील ठोकलेले नाही. तसेच घरात जाण्यास कोणाला मज्जाव केला नाही, असे म्हणणे न्यायालयात सादर करण्यात आले आहे.

या आरोपींविरुद्ध भक्कम पुरावे आहेत. या आरोपीच्या साथीनेच जितेंद्र शिंदे याने मुलीवर अत्याचार करून तिचा खून केला आहे. या आरोपीला जामीन दिल्यास तो फरार होण्याची शक्यता नाकारता येत नाहीत. तसेच तो या गुन्ह्यांतील सरकारी साक्षीदारांवर दबाव आणून त्यांना फोडू शकतो, असे म्हणणे जामिन अर्जावर सरकारी पक्षाने सादर केले. आरोपीच्या वकिलाने मंगळवारी आरोपीच्या गुन्ह्यातील वगळण्याचा अर्जाबाबत हायकोर्टाची स्थिती सांगितल्यानंतर या दोन्ही अर्जांवर मंगळवारी दुपारी सुनावणी होणार आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *