facebook
Saturday , December 3 2016
Home / Featured / ‘सिकॉफ’साठी विशेष सभेचे आयोजन
13516340_115290022235705_871404053873110509_n

‘सिकॉफ’साठी विशेष सभेचे आयोजन

आवाज न्यूज नेटवर्क –

 नाशिक – सातपूर औद्योगिक वसाहतीतील सिकॉफ (एसएसआय फ्लॅटेड सहकारी संस्था) ही औद्योगिक संस्था अवसायनात निघाल्यानंतर आता सिकॉफने सभासदांची विशेष सर्वसाधारण सभेचे आयोजन गुरूवारी (दि. १०) ११ वाजता केले आहे. या सभेत सभासदांचे मत जाणून घेतल्यानंतर संस्थेची बाजू उपनिबंधकाकडे मांडण्यात येणार आहे.

महाराष्ट्र औद्योगिक विकास महामंडळ व सहकारी संस्थेच्या अटी व शर्तीचे उल्लंघन केल्याचा ठपका ठेवत सहकारी संस्थेच्या उपनिबंधकांनी ही कारवाई केली होती. सातपूर येथील या संस्थेवर अवसायकाची नेमणूक केल्यामुळे उद्योगक्षेत्रात खळबळ उडाली होती. संस्था नोंदणी करतेवेळी मंजूर केलेला आराखडा आणि अस्तित्वात असलेल्या इमारतीचा प्लॅन यात मोठी तफावत असल्यामुळे ही कारवाई केल्याचे सहकार विभागाकडून सांगण्यात आले.

या संस्थेवर आता अवसायनाचे कामकाज पाहण्यासाठी सहकार अधिकारी आर. सी. गजरे यांची अवसायक म्हणून नेमणूक करण्यात आली आहे. या बैठकीत आता सभासद काय भूमिका घेतात व त्यावर सहकार विभागाकडे संस्था काही युक्तिवाद करते त्यावर पुढील निर्णय होणार आहे. तूर्त या संस्थेवर मध्यंतरीय आदेश काढून अवसायक नेमल्यामुळे संस्थेच्या अडचणी वाढल्या आहेत. या संस्थेवर अध्यक्ष म्हणून नंदलाल शिंदे तर सचिव म्हणून पोपट भामरे हे काम बघत आहेत. त्यांनी या सभेला सर्व सभासदांनी उपस्थित राहण्याचे आवाहन केले आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *