facebook
Monday , February 27 2017
Breaking News
Home / कोल्हापूर / म्यूरल्समधून पानसरेंच्या कार्याचे दर्शन

म्यूरल्समधून पानसरेंच्या कार्याचे दर्शन

कष्टकरी, श्रमिकांच्या न्याय हक्कासाठी आयुष्य खर्ची घालणाऱ्या आणि प्रबोधनाची चळवळ राबविणाऱ्या कॉम्रेड गोविंदराव पानसरे यांच्या स्मारकातूनही त्यांच्या संघर्षमय आणि समाजप्रबोधनाच्या कार्याची शिकवण मिळणार आहे. पानसरे यांच्या जीवन कार्यावर आधारित स्मारक म्यूरल्स स्वरुपात (​शिल्पकृती) साकारण्यात येणार आहे. स्मारकासाठी बांधकाम क्षेत्रातील आधुनिक तंत्रज्ञानाचा अवलंब करण्यात येणार आहे.

जीआरसी पद्धत (ग्लास रेनफोर्समेंट काँक्रीट), स्मारकावर ऊन, वाऱ्याचा परिणाम होणार नाही यासाठी जर्मन तंत्रज्ञानावर आधारित आर्किटेक्चरल काँक्रीट, लाइट इफेक्टस हे वैशिष्ट्य असणार आहे. आर्किटेक्ट अँड इंजिनीअरिंग असोसिएशनचे अध्यक्ष राजेंद्र सावंत यांनी मंगळवारी महापालिकेत स्मारकाच्या आराखड्याचे सादरीकरण केले. मूर्तीकार अशोक सुतार यांच्या संकल्पनाही समाविष्ट केल्या आहेत. स्मारकाचे एकूण इस्ट‌िमेट २१ लाख रुपयांचे आहे.

असे असेल स्मारक

‘संपूर्ण स्मारकाची जागा ही ३० बाय ३५ फूट इतकी आहे. पानसरे यांच्या व्यक्त‌िमत्त्वाचे दर्शन घडविणारे एकूण तीन म्यूरल्स असतील. मुख्य शिल्पकृती २१ बाय १५ फुटाची तर अन्य दोन म्यूरल्स सहा बाय पाच फुटाच्या असतील. चहूबाजूनी स्मारकाचे पूर्ण दर्शन घडेल या पद्धतीने रचना आहे. शिल्पकृती जमिनीपासून सहा फुट उंचीवर असणार आहे. शिल्पाची उंची १७ फूट व रुंदी पाच फूट इतकी असेल. पीलरची रचना पेनच्या स्वरूपात, पुस्तक स्वरूपात संरक्षक भिंतीची रचना असणार आहे. छोटा लॉन, स्पेशल लाइट इफेक्टस आकर्षण ठरेल. स्मारकालगतच्या मोकळ्या जागेत फ्लॉवर बेडस असतील’ अशी माहिती आर्किटेक्ट सावंत यांनी दिली. संरक्षक भिंतीसाठी आर्किटेक्चरल काँक्र‌िट वापरल्याने नव्याने रंगकाम करण्याची आवश्यकता नाही.

संपूर्ण पानसरे कुटुंबीय उपस्थित

स्मारकाच्या डिझाइन सादरीकरणप्रसंगी काम्रेड पानसरे यांच्या पत्नी उमा पानसरे, मुलगी स्मिता, मेघा, सून मेघा जावई बन्सी सातपुते उपस्थित होते. कन्या मेघा यांनी पुरोगामी विचार, वैचारिक चळवळीला पूरक उपक्रम, चर्चा, परिसंवादाकरिता अभ्यासिका असावी अशी सूचना केली. स्मिता पानसरे यांनी कॉम्रेड पानसरे यांचा आदर्शवाद, वैचारिक लढाई, संघर्षमय कहाणी नव्या पिढीला प्रेरणादायी ठरावी या पद्धतीने स्मारकाची उभारणी करावी अशी मागणी केली. सतीश कांबळे यांनी स्मारकाजवळील एमएसईबीचा ट्रान्सफार्मर अन्यत्र हलविण्यात यावा, अशी सूचना केली. माजी महापौर आर. के. पोवार, कॉम्रेड दिलीप पोवार, चंद्रकांत यादव, नगरसेवक भूपाल शेटे यांनी स्मारकासंदर्भात सूचना मांडल्या. कॉम्रेड व्ही.एल. बर्गे, नामदेवराव गावडे, अनिल चव्हाण, मीनल चव्हाण, मुकुंद कदम, सुशीला यादव, सुनील जाधव, अमर जाधव उपस्थित होते.

स्मारकासाठी आणखी २१ लाख देऊ

कॉम्रेड पानसरे यांच्या स्मारकासाठी निधी कमी पडू देणार नाही. आवश्यकता भासली तर स्मारकासाठी आणखी २१ लाख रुपयांची तरतूद करू, अशी ग्वाही महापौर अश्विनी रामाणे यांनी केले. उपमहापौर शमा मुल्ला, सभापती मुरलीधर जाधव, वृषाली कदम आदी उपस्थित होते.

Check Also

वाहतूकदारांचा शुल्कवाढीला विरोध

केंद्रीय मोटार वाहन नियमांतील विविध शुल्कात पाचपट वाढ केल्याच्या निषेधार्थ बुधवारी कोल्हापूर डिस्ट्रीक्ट लॉरी ऑपरेटर्स …

Leave a Reply

Your email address will not be published. Required fields are marked *