facebook
Thursday , December 8 2016
Home / Featured / पंधरवड्यापूर्वी बँकांना गेल्या होत्या सूचना
sbi

पंधरवड्यापूर्वी बँकांना गेल्या होत्या सूचना

पुणे : सर्व बँकांनी त्यांच्या एटीएम मशिनमध्ये शंभर रुपयांच्या नोटा देण्यासाठी योग्य ती व्यवस्था करावी, अशा सूचना सर्व बँकांना पंधरा दिवसांपूर्वीच देण्यात आल्या होत्या. त्यासाठी बँकांच्या सॉफ्टवेअरमध्ये योग्य त्या सुधारणा कराव्यात, अशा सूचना बँकांना देण्यात आले होते. मात्र, त्याचवेळी हे बदल कशासाठी करण्यात येत आहेत, याची कोणतीही कल्पना बँकांना देण्यात आलेली नव्हती.

बँकिंग वर्तुळातील एटीएम संबंधी कामकाज पाहणाऱ्या वरिष्ठ सूत्रांनी ‘मटा’ला ही माहिती दिली. ‘एटीएम’मधून शंभरसह त्यापेक्षा कमी मूल्याच्या नोटा देता याव्यात, यासाठी प्रायोगिक तत्त्वावर चाचणी करण्यात येणार आहे. त्यासाठी सर्व बँकांनी आपल्या एटीएमध्ये तांत्रिक सुधारणा कराव्यात,’ असे आदेश बँकांना पंधरा दिवसांपूर्वीच प्राप्त झाले होते. त्यात सर्व एटीएम मशिनमधील एकूण नोटांच्या किमान दहा टक्के नोटा या शंभर रुपयांच्या किंवा त्यापेक्षा कमी असाव्यात, असे म्हटले होते. त्यानुसार बँकांनी आपापल्या सॉफ्टवेअरमध्ये बदल करण्याची चाचपणी सुरू केली होती, असे या सूत्रांनी स्पष्ट केले.

‘सर्व एटीएम मशिनच्या सॉफ्टवेअरमध्ये पाचशे आणि हजार रुपयांच्या तसेच शंभर रुपयांच्या नोटा ‘वाचण्याची’ सुविधा असते. त्याआधारे हे व्यवहार होतात. मात्र, रिझर्व्ह बँकेकडून आलेल्या या निर्देशांनुसार शंभर रुपये तसेच त्यापेक्षा कमीच्या नोटा रीड करण्यासाठी सॉफ्टवेअरमध्ये सुधारणा करणे आवश्यक होते. त्यासाठी आता एक दिवस बँका आणि एटीएमही बंद राहणार आहेत,’ असे सूत्रांनी सांगितले.

‘बँकांना आलेल्या निर्देशांमध्ये ही सुधारणा प्रायोगिक तत्त्वावर करण्यात येणार आहे, असे म्हटले होते. त्यामुळे आम्हालाही त्याची कल्पना आली नाही. परंतु, आता त्यामागचे कारण स्पष्ट झाले आहे. तांत्रिक क्षमतेमुळे एकाच ठिकाणावरून सर्व एटीएमधील सॉफ्टवेअर अपडेट करणे शक्य आहे. त्यामुळे एक ते दोन दिवसात हे काम पूर्ण होऊ शकते,’ असेही स्पष्ट करण्यात आले.

एटीएममधून शंभर रुपयांच्या नोटा सध्याही दिल्या जातात. मात्र, त्यापेक्षा कमी मूल्याच्या नोटा दिल्या जात नाहीत. शंभर रुपयांच्या नोटांसह त्यापेक्षा कमी मूल्याच्या नोटांची सध्या टंचाई आहे. त्यातच या नोटा एटीएममधून द्यायच्या झाल्यास, नोटांच्या संख्येवर मर्यादा येण्याची शक्यता आहे.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *