facebook
Wednesday , December 7 2016
Home / Featured / ‘कलारंग’चे आज उद्घाटन
drama

‘कलारंग’चे आज उद्घाटन

आवाज न्यूज नेटवर्क –

नागपूर – शहरात पहिल्यांदाच व्यावसायिक नाटकांचा ‘कलारंग’ महोत्सव आयोजित करण्यात आला आहे. चार दिवस चालणाऱ्या या महोत्सवाचे उद्घाटन शुक्रवार, ११ नोव्हेंबर रोजी दुपारी ५ वाजता डॉ. वसंतराव देशपांडे सभागृहात होणार आहे.

मुख्यमंत्री देवेंद्र फडणवीस व अमृता फडणवीस यांच्या हस्ते कलारंगचे उद्घाटन होणार असून अभिनेते प्रशांत दामले यांची विशेष उपस्थिती राहील. क्रांती रेडकर यांची सुरुवातीला गणेशवंदना होणार असून त्यानंतर नंदेश उमप यांचा पोवाडा होईल. शास्त्रीय गायक राहुल देशपांडे यांचे गायन झाल्यानंतर अमृता फडणवीस ‘कलारंग’ संकेतस्थळाचे लोकार्पण करतील. ‘मनोरंजन माध्यमं आणि सभोवतालच्या वास्तवाचे प्रतिबिंब’ या विषयावर परिसंवादाचे आयोजन करण्यात आले आहे. यात मुख्यमंत्र्यांसह ज्येष्ठ अभिनेते दिलीप प्रभावळकर, अरुण नलावडे, रीमा लागू व ज्येष्ठ पत्रकार महेश म्हात्रे यांचा सहभाग राहील. परिसंवादाचे सूत्रसंचालन अभिनेत्री सोनाली कुळकर्णी करणार आहेत. दिलीप प्रभावळकर व रीमा लागू यांना मुख्यमंत्र्यांच्या हस्ते पुरुषोत्तम दारव्हेकर स्मृती जीवनगौरव पुरस्काराने सन्मानित करण्यात येईल.

Check Also

wari

नागपुरात रंगणार ‘शिक्षणाची वारी’

विदर्भातील शिक्षकांच्या कल्पकतेतून साकारलेल्या शैक्षणिक प्रयोगांचे प्रदर्शन नागपुरात गुरुवारपासून सुरू होणार आहे. शिक्षणाची वारी म्हणून …

Leave a Reply

Your email address will not be published. Required fields are marked *