facebook
Saturday , December 10 2016
Home / Featured / थंडीची लाट येण्याची शक्यता
cold-weather

थंडीची लाट येण्याची शक्यता

आवाज न्यूज नेटवर्क –

अहमदनगर – उत्तर मध्य महाराष्ट्रात पुढील चोवीस तासांत थंडीची लाट येण्याची शक्यता पुणे वेधशाळेने वर्तविली आहे. गुरुवारी राज्यातील नीचांकी तापमान ८.१ अंश सेल्सिअस नगरमध्ये नोंदले गेले. कोकण, गोवा, मध्य महाराष्ट्र आणि विदर्भात किमान तापमानात लक्षणीय घट झाल्याचे वेधशाळेने म्हटले आहे.

उत्तर मध्य महाराष्ट्रात म्हणजे पुणे, नगर, नाशिक, जळगाव, धुळे, नंदुरबार या जिल्ह्यात पुढील २४ तासांत थंडीची लाट येण्याची शक्यता वर्तविण्यात आली आहे. गुरुवारी यातील बहुतांश जिल्ह्यात तापमान घटले होते. पुणे ९.९, जळगाव१०.०, मालेगाव ११.२, नाशिक ९.५ अशी तापमानाची नोंद झाली आहे. नगरमध्ये पारा आठ अंशावर उतरला असून सरासरी तापमानाच्या तुलनेत पारा ८ अंशाने उतरला आहे.

या हंगामातील हे नीचांकी तापमान ठरले. सोमवारी नगरचे किमान तापमान ११.० होते. मंगळवारी त्यात घट होऊन ९.५ तर बुधवारी ८.५ अंश सेल्सिअस तापमान नोंदले गेले. पुढील दोन तीन दिवस किमान तापमान आठ अंश सेल्सिअसच्या आसपास राहण्याची शक्यता असून रविवारनंतर त्यामध्ये किंचित वाढ होण्याचा अंदाज वेधशाळेने वर्तविला आहे.

Check Also

news-1

नियमितीकरणासाठी फक्त एक रुपया

आवाज न्यूज नेटवर्क – अहमदनगर – नगर शहरात खासगी व सरकारी खुल्या जागांवर असलेल्या सर्वधर्मिय …

Leave a Reply

Your email address will not be published. Required fields are marked *