facebook
Wednesday , December 7 2016
Home / Featured / भाजपसमोर सेनेचे आव्हान
13516340_115290022235705_871404053873110509_n

भाजपसमोर सेनेचे आव्हान

आवाज न्यूज नेटवर्क –

नाशिक – सिन्नर नगर पालिकेच्या निवडणुकीत आपला उमेदवारी अर्ज मागे घेण्यास एक दिवस बाकी असताना ही निवडणूक बहुरंगी होत आहे. भाजप, शिवसेना समोरासमोर ठाकले असून त्यांच्यासमोर काँग्रेस, राष्ट्रवादी व माकप यांची युती, तर मनसेनेे काहीठिकाणी उमेदवार उभे केले आहेत. काही ठिकाणी अपक्ष उमेदवार असल्याने या निवडणुकीत चांगलीच रंगत निर्माण झाली आहे.

सध्या नगरपालिकेत माजी आमदार माणिकराव कोकाटे यांची सत्ता असून ती राखण्यासाठी त्यांची व्यूहरचना सुरू केली आहे. त्यांच्यासमोर शिवसेनेचे आमदार राजाभाऊ वाजे यांनी आव्हान उभे केले आहे. जिल्ह्यात सर्वात जुनी असलेल्या व शतकोत्तर सुवर्ण महोत्सव साजरा करणाऱ्या या निवडणुकीत सत्ता कोण स्थापन करतो याकडे सिन्नरकरांचे लक्ष लागले आहे. नगराध्यक्षपद अनुसूचित जमातीसाठी आरक्षित असल्याने या पदासाठी उमेदवार शोधण्याचे मोठे काम सर्वच पक्षांना करावे लागले. भाजपतर्फे कोकाटे यांचे विश्वासू सहकारी माजी नगरसेवक अशोक मोरे यांना उमेदवारी देण्यात आली आहे. तर शिवसेनेतर्फे उच्चशिक्षित चेहरा किरण डगळे यांना उमेदवारी दिली आहे. काँग्रेस आघाडीतर्फे विद्यमान नगरसेविका लता हिले यांना उमेदवारी दिली. मनसेतर्फे राजेंद्र बोरसे या नवीन चेहऱ्याला संधी देण्यात आली. तर अपक्ष म्हणून वसंतबाबा नाईक यांनी उमेदवारी केली आहे.

सटाण्यात प्रचारास प्रारंभ

सटाणा : नगरपालिका निवडणुकीतील उमेदवारी अर्ज माघारीचा आज अखेरचा दिवस आहे. आज दुपारी ३ वाजेनंतर उमेदवारीचे चित्र स्पष्ट होणार आहे. दरम्यान विविध पक्षांकडून प्रचार सुरू झाला आहे.

Check Also

खो-खोत जय हिंद, शिवभक्त जेते

जिल्हा खो-खो संघटना व समर्पण नाशिकतर्फे छत्रपती शिवाजी महाराज स्टेडियमवर सुरू असलेल्या अखिल भारतीय आमंत्रितांच्या …

Leave a Reply

Your email address will not be published. Required fields are marked *