facebook
Saturday , April 29 2017
Breaking News
Home / नाशिक / २४ जागांसाठी तब्बल १०३ उमेदवार रिंगणात

२४ जागांसाठी तब्बल १०३ उमेदवार रिंगणात

येवला नगरपालिकेच्या पंचवार्षिक निवडणुकीसाठी शुक्रवारी चित्र स्पष्ट झाले. पडद्यामागच्या जोरदार राजकीय हालचाली, गुफ्तगू अशा अनेक बाबींनी सर्वांचेच लक्ष वेधून घेतानाच महत्त्वपूर्ण नगराध्यक्षपदाच्या लढतीसह विविध प्रभागातील नगरसेवकपदाच्या निवडणुकीसाठीच्या रिंगणातून नेमकी कुणाकुणाची माघार होणार अन् नेमके कोण-कोण आपली उमेदवारी कायम ठेवत निवडणुकीला सामोरं जाणार ही येवला शहरवासीयांना गेल्या काही दिवासांपासून लागलेली मोठी उत्कंठा उमेदवारी अर्ज माघारीच्या शुक्रवारच्या अखेरच्या दिवशी संपली.

येवला नगरपालिकेच्या पंचवार्षिक निवडणुकीतील नगराध्यक्षपदासाठी सहा उमेदवार रिंगणात राहिल्याने ही लढत ‘षटरंगी’ होणार आहे. पालिकेच्या १२ प्रभागातील २४ जागांसाठी तब्बल १०३ उमेदवार आपलं नशीब अजमावणार आहेत. उमेदवारी अर्ज माघारीच्या शुक्रवारच्या अंतिम दिवसातील प्रत्येक घडामोडींकडे शहरवासीयांच्या नजरा लागल्या होत्या.

नगराध्यक्षपदाचे उमेदवार

उमेदवारी अर्ज माघारीच्या शुक्रवारच्या अखेरच्या दिवसानंतर येवला नगरपालिकेच्या नगराध्यक्षपदाची थेट जनतेतून होणारी निवडणूक चुरशीची होणार असल्याचे चित्र समोर आले आहे. नगराध्यक्षपदासाठी अपक्ष उमेदवारी अर्ज दाखल केलेल्या मनोहर जावळे, प्रमोद सस्कर, आनंद शिंदे व राजेश भंडारी या चौघांनी आपले अर्ज माघार घेतले. राष्ट्रवादी काँग्रेसच्या उषाताई माणिकराव शिंदे, भाजपचे बंडू अंबादास क्षीरसागर, काँग्रेस (आय)चे शेख एजाज शेख रियाज यांच्यासह अजहर अली अलताफ अली सैय्यद (अपक्ष), शेख अ. वहाब फकीर मोहमंद (अपक्ष) व भारिप बहुजन महासंघाचे दीपक शशिकांत लाठे या सहा उमेदवारांमध्ये लढत होणार आहे. नगराध्यक्षपदासाठी ‘षटरंगी’ लढत दिसत असली तरी, भाजपचे बंडू क्षीरसागर, राष्ट्रवादीच्या उषाताई शिंदे अन् काँग्रेसचे एजाज शेख यांच्यातच खरा ‘मुकाबला’ होणार असल्याचे बोलले जात आहे.

Check Also

मार्केट फुलले; चेहरे उतरले

रविवारच्या साप्ताहिक सुटीनंतर सोमवारी येवला कृषी उत्पन्न बाजार समितीचे येवला मुख्य बाजार आवार लाल कांदा …

Leave a Reply

Your email address will not be published. Required fields are marked *