facebook
Sunday , December 4 2016
Home / औरंगाबाद / काळा पैसा रोखण्यासाठी दानपेट्या सील
donation-box

काळा पैसा रोखण्यासाठी दानपेट्या सील

मराठवाड्यातील आठही जिल्ह्यांतील मंदिरांच्या दानपेट्या धर्मादाय आयुक्त कार्यालयाने शुक्रवारी सील केल्या आहेत. त्यात तुळजाभवानी मंदिर, अंबाबाई, औंढा नागनाथ, वैद्यनाथ, माहूर, राजूरचा गणपती, वेरुळचे घृष्णेश्वर मंदिर या मंदिरांचा समावेश असल्याचे समजते.

पाचशे व एक हजार रुपयांच्या नोटा मंदिराच्या दानपेटीत टाकण्याची शक्यता असल्याने धर्मादाय आयुक्त कार्यालयाने दानपेट्या सील केल्या असल्याचे सूत्राने सांगितले. ज्यांच्याकडे मोठ्या प्रमाणावर काळा पैसा आहे ते या दानपेट्यांमध्ये पैसा टाकू शकतात. त्यामुळेच मंदिराच्या दानपेट्या सील केल्या आहेत. अनेक मंदिराच्या विश्वस्तांनी पाचशे व एक हजार रुपयांच्या नोटा न स्वीकारणाचा निर्णय घेतला आहे. सरकारची कारवाई होऊ नये यासाठी काळा पैसा मंदिराच्या दानपेट्यात येऊ शकतो.

हा पैसा मंदिरात येऊ नये म्हणून हा निर्णय घेण्यात आलेला आहे. येत्या ३० डिसेंबरपर्यंत या दानपेट्या सील राहाणार आहेत. पावती फाडूनच रोख स्वरुपात भाविकांकडून देणग्या घ्याव्यात, असे निर्देशही धर्मादाय आयुक्त कार्यालयाने दिले आहेत.

Check Also

news-13

ऑरिकमधील प्लॉटसाठी ८७१ जणांची नोंदणी

आवाज न्यूज नेटवर्क – औरंगाबाद – दिल्ली मुंबई इंडस्ट्रिअल कॉरिडॉरअंतर्गत (डीएमआयसी) औरंगाबाद इंडस्ट्रिअल सिटीमध्ये (ऑरिक) …

Leave a Reply

Your email address will not be published. Required fields are marked *