facebook
Sunday , December 4 2016
Home / मुंबई / लोकांच्या लॉकरवर नजर ठेवणार का?: उद्धव
uddhav

लोकांच्या लॉकरवर नजर ठेवणार का?: उद्धव

‘आज एटीएमच्या बाहेर रांगा आहेत. मुलुंड-ठाण्यात बँकेच्या बाहेरील रांगेत एका व्यक्तीचा मृत्यू झाला त्याला ज्या व्यक्तीने हा निर्णय जाहीर केला तो व्यक्ती जबाबदार आहे. लग्न रद्द झाली आहेत. रुग्णालयात अडचणी येत आहेत. आता घराघरात कॅमेरे लावणार का? लोकांच्या बँक लॉकर्सवर नजर ठेवणार का,’ असा सवाल शिवसेना पक्षप्रमुख उद्धव ठाकरे यांनी शुक्रवारी केला.

शिवसेना भवन येथे उद्धव ठाकरे पत्रकारांशी बोलत होते. दिवाळीला ज्या लक्ष्मीचे पूजन केले, आता ती लक्ष्मीच राहिली नाही. मोदींनी ‘मन की बात’करण्याऐवजी ‘धन की बात’ केली, पण ‘जन की बात’ केली नाही. देशातून काळा पैसा हद्दपार करावा, या योजनेला माझा विरोध नाही. सर्जिकल स्ट्राइकचा मोदी यांचा निर्णय धाडसी होता. पण आता पैसा बाहेर काढण्यासाठी मोदींनी जो धाडसी निर्णय घेतला आहे तो मात्र अंगाशी येतोय, असे दिसतेय. माजी पंतप्रधान मोरारजी देसाई यांनी देखील असा निर्णय घेतला होता पण त्याचे काय झाले आपल्याला माहिती आहे, असेही उद्धव म्हणाले.

आज सामान्य नागरिकांना त्रास होतोय त्या सामान्य नागरिकांनी आपल्याला निवडून दिले आहे हे विसरू नका. जनता पुढील निवडणुकीत धडा शिकवेल, जनताही सर्जिकल स्ट्राइक करेल हे लक्षात ठेवा, असेही ते म्हणाले.

Check Also

news-1

दहावीनंतरच्या करिअरबाबत मार्गदर्शन

आवाज न्यूज नेटवर्क – मुंबई – दहावीची परीक्षा सर्वच विद्यार्थ्यांच्या करिअरमधली अत्यंत महत्त्वाची परीक्षा मानली …

Leave a Reply

Your email address will not be published. Required fields are marked *