facebook
Monday , December 5 2016
Home / Featured / आल्या ५०० च्या ५० लाख नव्या नोटा
new-500-rs-notes

आल्या ५०० च्या ५० लाख नव्या नोटा

मुंबई –

रिझर्व्ह बँकेच्या नोटा छापण्याऱ्या नऊ प्रेसपैकी नाशिकची एक प्रेस आहे. या प्रेसमध्ये २०, ५० आणि १०० रुपयांच्या नोटा मोठ्या प्रमाणात छापल्या जातात.

चलनाच्या अभावाने नागरिक त्रस्त असताना नाशिकमधील प्रतिभूती मुद्रणालयाने दिलासा देणारी बातमी दिली आहे. नाशिकमधील या प्रेसने रिझर्व्ह बँकेला ५०० च्या ५० लाख नव्या नोटांची पहिली खेप पाठवली आहे. ५० लाख नोटांची दुसरी खेप बुधवारी पाठवण्यात येईल, अशी माहिती एका अधिकाऱ्याने दिली.

केंद्र सरकारने ५०० आणि १००० रुपयाच्या जुन्या नोटा बाद केल्यानंतर २००० रुपयाच्या नव्या नोटा चलनात आल्या. पण ५०० रुपयाच्या नव्या नोटा चलनात यायच्या होत्या. यामुळे व्यवहारात आणि नोटा बदलवण्यात मोठ्या अडचणी येत होत्या. आता ५०० रुपयाच्या नव्या नोटा प्रेसमध्ये छापून पाठवण्यात आल्याने त्या चलनात येणार आहेत. यामुळे चलनाची कमतरता दूर होणार आहे.
रिझर्व्ह बँकेने आधीच आपल्या म्हैसूर आणि पश्चिम बंगाल येथील सलबोनीच्या प्रेसमधून ५०० च्या नव्या नोटा छापल्या आहेत. याशिवास नाशिक आणि मध्य प्रदेशातील देवासमधल्या प्रेसमधूनही ५०० च्या नव्या नोटांची छपाई सुरू आहे, अशी माहिती सूत्रांनी दिली.
२०१६-१७ या आर्थिक वर्षाच्या अखेरपर्यंत ५०० रुपयाच्या ४० कोटी नोटा छापण्याचे टार्गेट या प्रेसना रिझर्व्ह बँकेने दिले आहे. दोन आठवड्याआधीपासून या नोटांची छपाई सुरू आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *